തിരുവനന്തപുരം: ഇൻഷുറൻസ് മെഡിക്കൽ സർവീസസ് വകുപ്പിൽ ഡയറ്റീഷ്യൻ ഗ്രേഡ് 2 (കാറ്റഗറി നമ്പർ 394/2019) തസ്തികയിലേക്ക് 8,9,10 തീയതികളിൽ പി.എസ്.സി. ആസ്ഥാന ഓഫീസിൽ സർട്ടിഫിക്കറ്റ് പരിശോധന നടത്തും. ഉദ്യോഗാർത്ഥികൾക്ക് ഇത് സംബന്ധിച്ച് എസ്.എം.എസ്., പ്രൊഫൈൽ സന്ദേശം എന്നിവ നൽകിയിട്ടുണ്ട്.
ഭക്ഷ്യസുരക്ഷാ വകുപ്പിൽ ഫുഡ് സേഫ്റ്റി ഓഫീസർ (പട്ടികജാതി/പട്ടികവർഗം),​(കാറ്റഗറി നമ്പർ 616/2021) തസ്തികയിലേക്ക് 15ന് (രാവിലെ 10.30,11.30) തീയതിയിൽ പി.എസ്.സി. ആസ്ഥാന ഓഫീസിൽ സർട്ടിഫിക്കറ്റ് പരിശോധന നടത്തും.

നീന്തൽ പരീക്ഷ

തിരുവനന്തപുരം ജില്ലയിൽ ഫയർ ആൻഡ് റസ്‌ക്യൂ സർവീസസ് വകുപ്പിൽ ഫയർ വുമൺ (ട്രെയിനി),​(കാറ്റഗറി നമ്പർ 245/2020) തസ്തികയിലേക്ക് 10ന് രാവിലെ 8ന് തിരുവനന്തപുരം വെള്ളയമ്പലത്തുള്ള ജിമ്മി ജോർജ്ജ് സ്‌പോർട്സ് ഹബ് സ്വിമ്മിങ് പൂളിൽ സ്വിമ്മിങ് ആൻഡ് ഫ്‌ളോട്ടിംഗ് ടെസ്റ്റ് നടത്തും.

അഭിമുഖം
കേരള ടൂറിസം ഡെവലപ്‌മെന്റ് കോർപ്പറേഷനിൽ അസിസ്റ്റന്റ് എഞ്ചിനിയർ (സിവിൽ),​(കാറ്റഗറി നമ്പർ 134/2021) തസ്തികയിലേക്കുള്ള അഭിമുഖത്തിന്റെ രണ്ടാം ഘട്ടം മാർച്ച് 8,9,10,15,16,17, 22,23,24,29,30,31 തീയതികളിൽ പി.എസ്.സി. ആസ്ഥാന ഓഫീസിൽ നടത്തും.
വിവിധ സർവകലാശാലകളിൽ പ്രൊഫഷണൽ അസിസ്റ്റന്റ് ഗ്രേഡ് 2 (ലൈബ്രറി),​(കാറ്റഗറി നമ്പർ 207/2021) തസ്തികയിലേക്ക് 8,9,14,15 തീയതികളിൽ രാവിലെ 10.30 മുതൽ പി.എസ്.സി. ആസ്ഥാന ഓഫീസിൽ സർട്ടിഫിക്കറ്റ് പരിശോധനയും 28 മുതൽ അഭിമുഖവും നടത്തും.