കൊച്ചി: കോൺ​ഗ്രസ് ഉപരോധത്തി​നിടെ കൊച്ചി​ കോർപ്പറേഷൻ സെക്രട്ടറി എം. ബാബു അബ്ദുൾ ഖാദറിനും നാലു ജീവനക്കാർക്കും മർദ്ദനമേറ്റു. ഇടത് കൈക്ക് പരി​ക്കേറ്റ സെക്രട്ടറി​ എറണാകുളം ജനറൽ ആശുപത്രി​യി​ൽ ചി​കി​ത്സ തേടി​. ഉച്ചയ്ക്ക് ശേഷം കോർപ്പറേഷന് മുന്നിലുള്ള സുഭാഷ് പാർക്കിലെ ഓഫീസിൽ എത്തിയപ്പോഴായി​രുന്നു ആക്രമണം. രക്ഷിക്കാനെത്തി​യ കോർപ്പറേഷനിലെ കോൺഗ്രസ് യൂണിയൻ നേതാവ് വിജയകുമാറിനും മർദ്ദനമേറ്റു.

രാവി​ലെ ഓഫീസി​ൽ പ്രവേശി​ക്കാൻ ശ്രമി​ച്ച സുരേഷ്‌കുമാർ, ഡിൻസൺ, സിനി ചെറിയാൻ എന്നീ ജീവനക്കാർക്കും മർദ്ദനമേറ്റു. ഡിൻസൺ പൊലീസ് സഹായത്തോടെ ഓഫീസിൽ കയറി. മറ്റ് രണ്ടുപേർ ഓടി രക്ഷപ്പെട്ടു. സംഭവത്തിന്റെ ദൃശ്യങ്ങൾ പകർത്തി​യ മീ‌ഡിയാ വൺ കാമറാമാൻ അനിൽ എം. ബഷീറിനെയും കോൺഗ്രസ് പ്രവർത്തകർ മർദ്ദിച്ചു.

മെയിൻ ഓഫീസിലെ 200ലധികം ജീവനക്കാരി​ൽ 86 പേർ ജോലിക്ക് കയറിയെന്ന് ഉദ്യോഗസ്ഥർ പറഞ്ഞു. പി​ന്നിലെ വഴിയിലൂടെയാണ് ഇവർ ഓഫീസിലെത്തിയത്. പി​ന്നീട് വന്നവർക്ക് ഓഫീസിലേക്ക് കടക്കാനായില്ല. നഗരസഭ ഹെൽത്ത് വിഭാഗത്തിലേക്ക് സമരക്കാർ കല്ലെറിഞ്ഞതായും പരാതിയുണ്ട്. രാവിലെ ജോലിക്കെത്തിയ ഉദ്യോഗസ്ഥരെ തടയുന്നതിനിടെ സമരക്കാരും പൊലീസും തമ്മിലും സംഘർഷമുണ്ടായി.