പാട്ടും നൃത്തവുമായി ഹൽദി ചടങ്ങ് ആഘോഷമാക്കി നടി ഉത്തരയും കുടുംബവും. നടൻ ലാലും ചടങ്ങുകളിൽ പങ്കെടുത്തു. ഗംഭീര നൃത്തവുമായി ചടങ്ങിനെത്തിയവരെ അമ്പരപ്പിച്ചിരിക്കുകയാണ് ആശാ ശരത്തും കുടുംബവും. മഞ്ഞയിൽ നീല ബോർഡറുള്ള സാരിയാണ് ആശ ശരത്ത് ധരിച്ചിരുന്നത്. മകളെ പോലെ തന്നെ അതി സുന്ദരിയായിരുന്നു ആശ ശരത്തും.

പതിവ് ഹൽദി ചടങ്ങുകളിലെ വധുവിന്റെ വേഷത്തിൽ നിന്ന് വ്യത്യസ്തമായി സാരിയിൽ നാടൻ ലുക്കിലാണ് ഉത്തര എത്തിയത്. മഞ്ഞ സാരിയ്ക്കൊപ്പം പച്ച ബ്ലൗസാണ് ഉത്തര ധരിച്ചത്. പരമ്പരാഗത രീതിയായ മടിസാർ സ്റ്റൈലിലാണ് സാരി ധരിച്ചിരുന്നത്. മുടിയിൽ പൂക്കളും ചൂടിയിരുന്നു. മഞ്ഞ കുർത്തയാണ് വരൻ ആദിത്യ ധരിച്ചത്. വരന്റെയും വധുവിന്റെയും കുടുംബാംഗങ്ങൾ തമ്മിലുള്ള നൃത്ത മത്സരവും ചടങ്ങിനെ ഗംഭീരമാക്കി. അന്താക്ഷരി മത്സരമടക്കം പല വേറിട്ട മത്സരങ്ങളും ഹൽദി ചടങ്ങിൽ നടത്തി.