കണ്ണൂർ: പ്രതിപക്ഷ നേതാവ് വി.ഡി,​ സതീശനെതിരെ രൂക്ഷവിമർശനവുമായി എൽ.ഡി,എഫ് കൺവീനർ ഇ.പി. ജ.യരാജൻ,​ കെ.പി.സി.സി പ്രസിഡന്റിന് ഒത്ത നിലയിലാണ് ഇപ്പോൾ സതീശന്റെ പ്രവർത്തനം. ഇതൊന്നും നോക്കിനിൽക്കുമെന്ന് സതീശൻ കരുതേണ്ടെന്നും ഇ.പി. ജയരാജൻ പറഞ്ഞു. നിയമസഭയിൽ അതിക്രമം നടത്തിയവർ ഉപദേശിക്കേണ്ടെന്ന സതീശന്റെ പ്രസ്താവനയോടായിരുന്നു ജയരാജന്റെ പ്രതികരണം.

വി.ഡി,​ സതീശനും ആളുകളും നമ്മുടെ സ്ത്രീകളെ കയറിപ്പിടിക്കുകയാണ്. എവിടെയൊക്കെയാ പിടിച്ചത്. ഞങ്ങൾ നോക്കിനിൽക്കുമെന്നാണ് സതീശൻ ധരിച്ചത്. ഞങ്ങളുടെ ശരീരത്തിൽ ജീവനുള്ളിടത്തോളം കാലം സതീശാ,​,​,​ അതിനൊന്നും ഞങ്ങൾ നിന്നുതരില്ല. നിങ്ങൾ എന്തൊക്കെയാ കാണിച്ചു കൂട്ടിയത്. സ്ത്രീ എം.എൽ.എമാരെ കൈയേറ്രം ചെയ്തില്ലേ,​ അവരെ അങ്ങേയറ്റം ആക്ഷേപിച്ചില്ലേ?​. ഈ കാര്യങ്ങളെല്ലാം നിങ്ങൾ ചെയ്യുമ്പോൾ ഞങ്ങൾ നോക്കിനിൽക്കുമെന്നാണോ ജയരാജൻ ചോദിച്ചു.

അന്ന് ഞങ്ങൾ ചെയ്തതിന്റെ പേരിൽ ഞങ്ങൾക്കെതിരെ നടപടിയെടുത്തു,​ യു.ഡി.എഫ് എം.എൽ.എമാർ എന്തെല്ലാം കാണിച്ചുകൂട്ടി,​ അവർക്ക് നേരെ നടപടിയെടുത്തോയെന്നും ഇ,​പി,​ ജയരാജൻ ചോദിച്ചു,​. ? ഈ വനിതാ എം.എൽ.എമാരെ അടിച്ച് ആശുപത്രിയിൽ ആക്കിയില്ലേ,​ ശിവൻകുട്ടിയെ ആക്രമിച്ച് ബോധം കെടുത്തിയില്ലേ?​ കേസ് എടുത്തോ? നിങ്ങളുടെ കാലത്ത് കേസ് എടുത്തിട്ടുണ്ടോ? നിങ്ങൾക്ക് എന്ത് മാന്യതയാണ് ഉള്ളത്. വി.ഡി. സതീശൻ ശരിയായ നിലയിലല്ല,​ കെ.പി.സി.സി പ്രസിഡന്റിന് ഒത്തനിലയിലാണ് വി.ഡി. സതീശന്റെ ഇപ്പോഴത്തെ പ്രവർത്തനമെന്നും ഇ.പി. ജയരാജൻ കുറ്റപ്പെടുത്തി. തലശേരി ആർച്ച് ബിഷപ്പിന്റെ പ്രസ്താവന വിശ്വസിക്കാൻ കഴിയുന്നില്ലെന്നും റബർ താങ്ങുവില കൂട്ടണമെന്നത് കേരളത്തിന്റെ താത്പര്യമാണ്,​ കേന്ദ്രമാണ് തടസം നിൽക്കുന്നതെന്നും അദ്ദേഹം വ്യക്തമാക്കി.