ബംഗളൂരു: ഹിന്ദുത്വത്തെ വിമർശിച്ചുകൊണ്ടുള്ള പരാമർശത്തെ തുടർന്ന് കന്നഡ നടൻ ചേതൻ കുമാർ ( ചേതൻ അഹിംസ)​ അറസ്റ്റിൽ. ഹിന്ദുത്വം കെട്ടിപ്പൊക്കിയിരിക്കുന്നത് നുണകളിലാണെന്ന് അദ്ദേഹം ട്വിറ്ററിൽ കുറിച്ചിരുന്നു. ഇതിനെതിരെയാണ് ശേഷാദ്രിപുരം പൊലീസ് ഇന്ന് നടനെ അറസ്റ്റ് ചെയ്തത്. ഇദ്ദേഹത്തെ കോടതിയിൽ ഹാജരാക്കി.

മാർച്ച് 20ന് താരം പങ്കുവച്ച ട്വീറ്റിനെതിരെ ശിവകുമാർ എന്നയാൾ നൽകിയ പരാതിയിലാണ് അറസ്റ്റ് രേഖപ്പെടുത്തിയത്. ഹിന്ദുക്കളുടെ വികാരങ്ങളെ വൃണപ്പെടുത്തിയെന്നും സമാധാനാന്തരീക്ഷം തകർക്കുന്നതിനുള്ള പ്രകോപനം സൃഷ്ടിച്ചെന്നും ആരോപിച്ചാണ് കേസെടുത്തിരിക്കുന്നത്.

ഹിന്ദുത്വം കെട്ടിപ്പൊക്കിയിരിക്കുന്നത് നുണകളിലാണെന്നായിരുന്നു ചേതൻ ട്വീറ്റ് ചെയ്തത്. ഇതിന് തെളിവായി സവർക്കർ,​ ബാബറി മസ്ജിദ്,​ ഉറി ഗൗഡ എന്നിങ്ങനെയുള്ള ഉദാഹരണങ്ങളും ട്വീറ്റിൽ പറയുന്നുണ്ട്. ഹിന്ദുത്വത്തെ തോൽപിക്കാൻ സത്യത്തിനു മാത്രമേ കഴിയൂ എന്നും തുല്യത എന്നതാണ് ആ സത്യം എന്നുമാണ് അദ്ദേഹം ട്വീറ്റ് ചെയ്തത്.

Hindutva is built on LIES

Savarkar: Indian ‘nation’ began when Rama defeated Ravana & returned to Ayodhya —> a lie

1992: Babri Masjid is ‘birthplace of Rama’ —> a lie

2023: Urigowda-Nanjegowda are ‘killers’ of Tipu—> a lie

Hindutva can be defeated by TRUTH—> truth is EQUALITY

— Chetan Kumar Ahimsa / ಚೇತನ್ ಅಹಿಂಸಾ (@ChetanAhimsa) March 20, 2023