എസ് എസ് രാജമൗലിയുടെ ചിത്രമായ 'ആർ ആർ ആറി'ലെ ഗാനങ്ങൾ ലോകമൊമ്പാടുമുള്ള പ്രേക്ഷക ശ്രദ്ധ നേടിയതാണ്. അതിലെ 'നാട്ടു നാട്ടു' എന്ന ഗാനത്തിന് 95-ാമത് ഓസ്കാറിൽ ഒറിജിനൽ സോംഗ് വിഭാഗത്തിൽ പുരസ്കാരം ലഭിച്ചിരുന്നു. ഇപ്പോഴിതാ ടെസ്ല കാറുകൾ ഉപയോഗിച്ച് ഈ ഗാനത്തിൽ ലെെറ്റ് ഷോ നടത്തിയ വീഡിയോയാണ് സോഷ്യൽ മീഡിയയിൽ വെെറലാകുന്നത്.
'നാട്ടു നാട്ടു' ആരാധകരായ അമേരിക്കയിലെ ന്യൂജേഴ്സിയിലെ വാഹനപ്രേമികളുടെ ഒരു റോഡ് ഷോയാണ് വീഡിയോയിൽ ഉള്ളത്. 150 ഓളം ടെസ്ല കാറുകളെ അണിനിരത്തിയാണ് ഈ അമ്പരപ്പിക്കുന്ന പ്രകടനം നടത്തിയത്. ആർ ആർ ആറിന്റെ ട്വിറ്റർ പേജിലാണ് ഈ ഷോയുടെ വീഡിയോ ആദ്യം പോസ്റ്റു ചെയ്തത്.
ഒരു പാർക്കിംഗ് സ്ഥലത്ത് ഡസൻ കണക്കിന് ടെസ്ല കാറുകൾ പാട്ടിന്റെ ബീറ്റുകൾക്ക് അനുസരിച്ച് ഹെഡ്ലൈറ്റുകൾ കത്തിക്കുകയും അണയ്ക്കുകയും ചെയ്യുന്നതാണ് വീഡിയോയിൽ കാണുന്നത്. പാട്ടിന്റെ ബീറ്റിനെ ആശ്രയിച്ച് ചുവപ്പും വെള്ളയും നിറങ്ങൾ മാറി ലെെറ്റിൽ വരുന്നതും കാണാം. ടെസ്ല ടോയ് ബോക്സ് എന്ന ഫീച്ചര് ആണ് ഇവിടെ ഉപയോഗിച്ചത്. ഇതിലൂടെ കാറുകളിലുള്ള പാട്ടുകള്ക്കനുസരിച്ച് ലൈറ്റ് ഷോ നടത്താം.
.@Teslalightshows light sync with the beats of #Oscar Winning Song #NaatuNaatu in New Jersey 🤩😍
— RRR Movie (@RRRMovie) March 20, 2023
Thanks for all the love. #RRRMovie @Tesla @elonmusk pic.twitter.com/wCJIY4sTyr
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |