ന്യൂഡൽഹി: പ്രധാനമന്ത്രി ഉജ്ജ്വല യോജന ഗുണഭോക്താക്കൾക്കുള്ള (നിർദ്ധന വിഭാഗം)​ 14.2 കിലോഗ്രാം ഗ്യാസ് സിലിണ്ടറിന് 200 രൂപ സബ്‌സിഡി അനുവദിക്കാൻ പ്രധാനമന്ത്രി നരേന്ദ്ര മോദിയുടെ അദ്ധ്യക്ഷതയിൽ ചേർന്ന സാമ്പത്തികകാര്യ കാബിനറ്റ് കമ്മിറ്റി അംഗീകാരം നൽകി. പ്രതിവർഷം 12 സിലിണ്ടറുകൾക്ക് സബ്‌സിഡി ലഭിക്കും. നിലവിൽ 9.59 കോടി ഗുണഭോക്താക്കളാണുള്ളത്. സബ്‌സിഡി ഇനത്തിൽ 2022-23 സാമ്പത്തിക വർഷത്തിൽ 6,100 കോടി രൂപയും 2023-24ൽ 7,680 കോടി രൂപയുമാണ് മൊത്തം ചെലവ്.