തിരുവനന്തപുരം: പ്ളസ് വൺ, പ്ളസ് ടു തുല്യതാപരീക്ഷ വിജ്ഞാപനം പ്രസിദ്ധീകരിച്ചു. 2022 ആഗസ്റ്റിൽ ഒന്നാം വർഷ തുല്യതാപരീക്ഷ എഴുതിയവർക്കുളള രണ്ടാം വർഷ തുല്യതാപരീക്ഷ, പരാജയപ്പെട്ടവരുടെ സപ്ലിമെന്ററി പരീക്ഷ എന്നിവയും ഒന്നാം വർഷ തുല്യതാ പരീക്ഷയും മേയ് 20 മുതൽ 25 വരെ നടക്കും.
പരീക്ഷാഫീസ് (റഗുലർ)
. ഒന്നാം വർഷം 600 രൂപ
. രണ്ടാം വർഷം (പ്രാക്ടിക്കൽ ഇല്ലാത്ത കോമ്പിനേഷൻ) – 600 രൂപ
. രണ്ടാം വർഷം (പ്രാക്ടിക്കലുളള കോമ്പിനേഷൻ) 700 രൂപ
പരീക്ഷാഫീസ് (സപ്ലിമെന്ററി)
. പേപ്പർ ഒന്നിന് 500 രൂപ വീതം.
സർട്ടിഫിക്കറ്റ് ഫീസ് ഒന്നാം വർഷം 100 രൂപ
. രണ്ടാം വർഷം – 150 രൂപ (മൈഗ്രേഷൻ 50 രൂപ ഉൾപ്പടെ)
. സപ്ലിമെന്ററി വിദ്യാർത്ഥികൾക്ക് – 100 രൂപ.
ഫീസടയ്ക്കേണ്ട അവസാന തീയതി
. പിഴയില്ലാതെ ഏപ്രിൽ 5.
. 20 രൂപ പിഴയോടുകൂടി 12.
. 1000 രൂപ സൂപ്പർഫൈനോടുകൂടി ഏപ്രിൽ 18.
സപ്ലിമെന്ററി വിദ്യാർത്ഥികൾ രണ്ടാം വർഷ പരീക്ഷയ്ക്ക് രജിസ്റ്റർ ചെയ്ത കേന്ദ്രങ്ങളിലും അല്ലാത്തവർ ഒന്നാം വർഷ പരീക്ഷയ്ക്ക് രജിസ്റ്റർ ചെയ്ത കേന്ദ്രങ്ങളിലും ഫീസടയ്ക്കണം.നോട്ടിഫിക്കേഷന്റെ പൂർണ രൂപം http://dhsekerala.gov.in ൽ.
കേരള സർവകലാശാല പരീക്ഷാഫലം
തിരുവനന്തപുരം: കേരള സർവകലാശാല വിദൂരവിദ്യാഭ്യാസ വിഭാഗം 2022 ഒക്ടോബറിൽ നടത്തിയ മൂന്നും നാലും സെമസ്റ്റർ ബി.ബി.എ, 2022 മാർച്ചിൽ നടത്തിയ രണ്ടാം സെമസ്റ്റർ എം.എസ്സി ബോട്ടണി പരീക്ഷകളുടെ ഫലം പ്രസിദ്ധീകരിച്ചു.
ഒന്നാം സെമസ്റ്റർ ബി കോം ജൂൺ 2022 പരീക്ഷയുടെ സൂക്ഷ്മപരിശോധനയ്ക്ക് അപേക്ഷിച്ചവർ തിരിച്ചറിയൽ കാർഡും ഹാൾടിക്കറ്റുമായി റീവാല്യുവേഷൻ സെക്ഷനിൽ (ഇ.ജെ ഏഴ്) ഏപ്രിൽ ഒന്നിനകം ഹാജരാകണം.
എം.ബി.എ പ്രവേശനം
അപേക്ഷ ഇന്നുകൂടി
തിരുവനന്തപുരം: ടൂറിസം വകുപ്പിന്റെ മാനേജ്മെന്റ് ഇൻസ്റ്റിറ്റ്യൂട്ടായ കിറ്റ്സിൽ എം.ബി.എയ്ക്ക് (ട്രാവൽ ആൻഡ് ടൂറിസം) ഇന്നു കൂടി www.kittsedu.orgൽ അപേക്ഷിക്കാം. ഫോൺ: 9446529467, 0471 - 2327707. ട്രാവൽ, ടൂർ ഓപ്പറേഷൻ, ഹോസ്പിറ്റാലിറ്റി, എയർപോർട്ട് മാനേജ്മെന്റ് സ്പെഷ്യലൈസേഷനുകളുണ്ട്.
ജെ.ഡി.സി അപേക്ഷ തീയതി നീട്ടി
തിരുവനന്തപുരം : സംസ്ഥാന സഹകരണ യൂണിയന്റെ കീഴിൽ പ്രവർത്തിക്കുന്ന സഹകരണ പരിശീലന കേന്ദ്രങ്ങളിലെയും കോളേജുകളിലെയും 2023 - 2024 വർഷ ജെ.ഡി.സി കോഴ്സിന് അപേക്ഷിക്കാനുള്ള തീയതി ഏപ്രിൽ 10 വരെ നീട്ടി . അപേക്ഷ സമർപ്പിക്കുന്നതിനും വിശദ വിവരങ്ങൾക്കും www.scu.kerala.gov.in.
ഡി.എഡ് കോഴ്സിന്റെ സപ്ലിമെന്ററി പരീക്ഷ
തിരുവനന്തപുരം: 2013 മുതൽ 2018 വരെ നിലവിലുണ്ടായിരുന്ന ഡി.എഡ് കോഴ്സിന്റെ സപ്ലിമെന്ററി പരീക്ഷ (മെഴ്സി ചാൻസ്) ഏപ്രിൽ 27 മുതൽ മേയ് 8 വരെ നടത്തുന്നു. ഏപ്രിൽ അഞ്ചു വരെ അപേക്ഷിക്കാം. വിശദമായ പരീക്ഷാ വിജ്ഞാപനം www.keralapareekshabhavan.inൽ ലഭ്യമാണ്.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |