ടൊവിനോ തോമസിനെ നായകനാക്കി നവാഗതനായ ജിതിൻലാൽ സംവിധാനം ചെയ്യുന്ന അജയന്റെ രണ്ടാം മോഷണം എന്ന ചിത്രത്തിന്റെ 3ഡി ടീസർ പുറത്തിറങ്ങി. പാൻ ഇന്ത്യൻ ചിത്രമായെത്തുന്ന ചിത്രം അഞ്ചു ഭാഷകളിലായാണ് ഒരുങ്ങുന്നത്. യു.ജി.എം പ്രൊഡക്ഷൻസ്,​ മാജിക് ഫ്രെയിംസ് എന്നീ ബാനറുകളിൽ ഡോ. സക്കറിയ തോമസ്,​ ലിസ്റ്റിൻ സ്റ്റീഫൻ എന്നിവർ ചേർന്നാണ് ചിത്രം നിർമ്മിച്ചിരിക്കൂന്നത്. .തമിഴിൽ സംവിധായകൻ ലോകേഷ് കനകരാജും ആര്യയും മലയാളത്തിൽ പൃഥ്വിരാജ്,​ ഹിന്ദിയിൽ ഹൃത്വിക് റോഷൻ,​ തെലുങ്കിൽ നാനി,​ കന്നഡയിൽ രക്ഷിത് ഷെട്ടി എന്നിവർ ചേ‌ർന്നാണ് ടീസർ പുറത്തിറക്കിയത്.

ടൊവിനോ ആദ്യമായി മൂന്നുവേഷങ്ങളിൽ എത്തുന്നു എന്ന പ്രത്യേകതയും ചിത്രത്തിനുണ്ട്. കഥ,​ തിരക്കഥ,​ സംഭാഷണം സുജിത് നമ്പ്യാർ. തെന്നിന്ത്യൻ താരം കൃതി ഷെട്ടി,​ ഐശ്വര്യ രാജേഷ്,​ സുരഭി ലക്ഷ്മി എന്നിവരാണ് ചിത്രത്തിലെ നായികമാർ. പൂർണമായും 3ഡിയിലാണ് ചിത്രം ഒരുങ്ങുന്നത്. ബേസിൽ ജോസഫ്,​ ജഗദീഷ്,​ ഹരീഷ് ഉത്തമൻ,​ ഹരീഷ് പേരടി,​ പ്രമോദ് ഷെട്ടി,​ രോഹിണി എന്നിവരും പ്രധാനവേഷങ്ങളിൽ എത്തുന്നു.

സംഗീതം ദിബു നൈനാൻ തോമസ്,​ അഡിഷണൽ സ്ക്രീൻ പ്ലേ ദീപു പ്രദീപ്,​ ഛായാഗ്രഹണം ജോമോൻ ടി. ജോൺ,​ എഡിറ്റർ ഷമീർ‌ മുഹമ്മദ്,​ പ്രോജക്ട് ഡിസൈൻ എൻ,​എം. ബാദുഷ,​ ജിജോ കാവനാൽ,​ ശ്രീജിത്ത് രാമചന്ദ്രൻ,​ പ്രിൻസ് പോൾ എന്നിവരാണ് സഹനിർമ്മാതാക്കൾ. എക്സിക്യുട്ടീവ് പ്രൊഡ്യസർ ഡോ. വിനീത് എം.ബി. പ്രൊഡക്ഷൻ ഡിസൈൻ ഗോകുൽദാസ്