തിരുവനന്തപുരം: ഒരുവശത്ത് അഴിമതിയും മറുവശത്ത് ജനങ്ങളുടെ നടുവൊടിക്കുന്ന നികുതി ഭീകരതയുമാണ് നടക്കുന്നതെന്ന് യു.ഡി.എഫ് കുറ്റപത്രം. എ.ഐ ക്യാമറയിലും കെ-ഫോൺ പദ്ധതിയിലും പാവപ്പെട്ടവർക്ക് പാർപ്പിടം പണിയുന്ന ലൈഫ് പദ്ധതിയിലും കൊവിഡ് കാലത്ത് മെഡിക്കൽ സാമഗ്രികൾ വാങ്ങിയതിലുമെല്ലാം കോടികളുടെ അഴിമതി നടന്നു. പാവപ്പെട്ട ജനങ്ങളുടെ പേരിൽ സർക്കാർ പ്രഖ്യാപിച്ച പദ്ധതികളിലെല്ലാം വലിയ അഴിമതിയാണ് നടന്നിരിക്കുന്നതെന്നും കുറ്റപത്രത്തിൽ പറയുന്നു.

പ്രധാന ആരോപണങ്ങൾ

 ബഡ്‌ജറ്റിലൂടെ 5,000 കോടിയുടെ അധിക നികുതി ഭാരം കൂടാതെ 2 രൂപ ഇന്ധനസെസ്

 കെട്ടിട നികുതി, വെള്ളക്കരം, വൈദ്യുതി ചാർജ് വർദ്ധനയിലൂടെ അധികഭാരം

 വർദ്ധിച്ച ലഹരി ഉപയോഗം, സ്ത്രീകൾക്കും കുട്ടികൾക്കും നേരെ അതിക്രമങ്ങൾ

 താനൂർ ബോട്ടപകടത്തിന് കാരണം സർക്കാരിന്റെ അനാസ്ഥ

 ഡോ. വന്ദനാ ദാസിന് ജീവൻ നഷ്ടമായതിലുൾപ്പെടെ പൊലീസ് നിഷ്ക്രിയത്വം

 കർഷകർ, മത്സ്യത്തൊഴിലാളി, പട്ടികജാതി/ വർഗ്ഗ വിഭാഗങ്ങൾക്ക് ആനുകൂല്യങ്ങളില്ല

 1000 കോടി നെല്ലുസംഭരണകുടിശ്ശിക

 കാരുണ്യ പദ്ധതി ഇല്ലാതാക്കി

 ആശ്വാസകിരണമടക്കം എല്ലാ ക്ഷേമപദ്ധതികളിലും കുടിശ്ശിക

 കെട്ടിട നിർമ്മാണ തൊഴിലാളികളുടെ 8 മാസത്തെ പെൻഷൻ കുടിശ്ശിക

 വന്യജീവി ആക്രമണ നഷ്ടപരിഹാര അപേക്ഷകൾ കെട്ടിക്കിടക്കുന്നു

 പാചകത്തൊഴിലാളികൾക്ക് മാസങ്ങളായി വേതനം മുടങ്ങി