അഭയകേന്ദ്രത്തിലെ കുഞ്ഞുങ്ങൾക്കൊപ്പം പിറന്നാൾ ആഘോഷിച്ച് മോഹൻലാൽ. ഹം ഫൗണ്ടേഷൻ നടത്തുന്ന ഷെൽട്ടർ ഹോമായ ഏഞ്ചൽസ് ഹട്ടിലെ കുഞ്ഞുങ്ങൾക്കൊപ്പമാണ് മോഹൻലാൽ 63-ാം പിറന്നാൾ ആഘോഷിച്ചത്. കേക്ക് മുറിച്ച് ജന്മദിനം ആഘോഷിച്ച മോഹൻലാൽ കുഞ്ഞുങ്ങൾക്ക് സമ്മാനപ്പൊതികളും കൈമാറി. കൊച്ചുമാലാഖമാരുടെ അനുഗ്രഹങ്ങളോടെ ഒരു എളിയ ജന്മദിന ആഘോഷം എന്ന് ആഘോഷ ചിത്രങ്ങൾക്കൊപ്പം മോഹൻലാൽ സമൂഹമാധ്യമത്തിൽ കുറിച്ചു.

അതേസമയം കുടുമ കെട്ടി ,കൈയിൽ ടാറ്റ് അടിച്ച് വാലിബൻ ലുക്കിലുള്ള മോഹൻലാലിന്റെ ചിത്രം ആരാധക‌ർ ഇരുകൈയും നീട്ടി സ്വീകരിച്ചു.

. മലൈക്കോട്ടൈ വാലിബന്റെ നിർമ്മാതാവായ ഷിബു ബേബി ജോൺ ആണ് മോഹൻലാലിന് ആശംസ അറിയിച്ച് ചിത്രം പങ്കുവച്ചത്. തലങ്ങൾ മാറിവന്ന ഒരു ആത്മബന്ധം. മോഹൻലാലിൽ തുടങ്ങി,ലാലുവിലൂടെ വാലിബനിൽ എത്തിനിൽക്കുന്നു. ഹാപ്പി ബർത്ത് ഡേ ലാലു. ഷിബു കുറിച്ചു.വിവിധ സോഷ്യൽ മീഡിയ ഗ്രൂപ്പുകളിൽ ചിത്രം തരംഗമാവുന്നു.