അത്ര ശൂന്യതയൊന്നുമില്ല
തിരക്കിട്ട് എവിടെയോ പോയെന്നതുപോലെ
സ്ഥാനം തെറ്റിയ തലയിണ
വായിച്ചു തലയ്ക്കൽ വച്ച
പുസ്തകങ്ങൾ
പത്രം
തലവേദനയില്ലെങ്കിലും വെറുതെയൊന്ന്
മണപ്പിക്കാൻ അമൃതാഞ്ജൻ
പനി ഗുളിക
ചുവരിൽ തൂക്കിയിട്ട കണ്ണട
അടഞ്ഞുകിടക്കുന്ന ജനാല
വാതിൽ
അകത്ത് ഒരു ഹൃദയത്തിന്റെ ഓർമ
ജീവിതത്തോട്
നിസ്സംഗതയോ
സ്നേഹമോ
എന്തായിരുന്നെന്ന്
ആരും ചോദിക്കാത്ത മൗനം
വന്നു കയറുന്ന ചിലതിനോടൊക്കെ
സമരസപ്പെട്ടെന്ന പോലെ
ജീവിതം
ഭക്ഷണത്തെക്കാൾ കഴിക്കാനുണ്ട്
മരുന്നെന്ന്
സന്ദർശകരോട് തമാശ ....
ഉള്ളിലെ തീയിനെ
മറച്ചുപിടിക്കലുകൾ
ടി വി ചതുരത്തിൽ നിന്ന്
മനുഷ്യരെയും
ഒച്ചകളെയും ചേർത്തുപിടിക്കുന്ന ആശ്വാസം
മുറിയിൽ അച്ഛന്റെ മണം
പേറ്റു മുറിയിലെയെന്നപോലെ
ഒരു പാൽമണം
മരിച്ചു പോയല്ലോയെന്ന് ഓർക്കുമ്പോഴാണ്
ആത്മാവിൽ പറ്റിപ്പിടിച്ച
നോവിൽ നിന്ന്
നീർത്തുള്ളികൾ പൊടിയുന്നത്.
(ഫോൺ: 9847069755)
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |
Lorem ipsum dolor sit amet consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat. |
We respect your privacy. Your information is safe and will never be shared. |