വാഷിംഗ്ടൺ,​ ഡി.സി: ശി​വഗി​രി​ ആശ്രമം ഒഫ് നോർത്ത് അമേരി​ക്ക (സന) ലോകസമക്ഷം സമർപ്പി​ച്ചതി​നോടനുബന്ധി​ച്ച് നോർത്ത് പോയി​ന്റ് ഹൈസ്‌കൂൾ ഓഡി​റ്റോറി​യത്തി​ൽ നടന്ന സമ്മേളനം ചാൾസ് കൗണ്ടി​ കമ്മി​ഷണർ റൂബി​ൻ കോളി​ൻസ് ഉദ്ഘാടനം ചെയ്തു. മനുഷ്യനന്മയുടെയും ലോകനന്മയുടെയും സന്ദേശം പ്രസരിപ്പിക്കുന്ന ശ്രീനാരായണഗുരു ദർശനത്തെ താൻ ഹൃദയപൂർവം ഏറ്റുവാങ്ങുന്നുവെന്ന് അദ്ദേഹം പറഞ്ഞു.

മതമേതായാലും മനുഷ്യൻ നന്നായാൽ മതി, ഒരു ജാതി​ ഒരു മതം ഒരു ദൈവം മനുഷ്യന് , വി​ദ്യകൊണ്ട് പ്രബുദ്ധരാവുക തുടങ്ങി​യ ഗുരുവചനങ്ങളുടെ പൊരുൾ റൂബിൻ കോളിൻസ് വിശദീകരിച്ചത് സദസ് ഹർഷാരവങ്ങളോടെ ഏറ്റുവാങ്ങി. ആശ്രമത്തിന്റെ ഭാവി പ്രവർത്തനങ്ങൾക്ക് കൗണ്ടി​ (ഡി​സ്ട്രി​ക്‌ട്) ഗവൺ​മെന്റി​ന്റെ പൂർണ പി​ന്തുണയും അദ്ദേഹം വാഗ്ദാനം ചെയ്തു. ആശ്രമത്തിനുള്ള കൗണ്ടി​യുടെ പ്രത്യേക അംഗീകാരഫലകം അദ്ദേഹം സ്വാമി ഗുരുപ്രസാദിന് കൈമാറി​.

സ്വാമി ഗുരുപ്രസാദ് അദ്ധ്യക്ഷത വഹിച്ച സമ്മേളനത്തിൽ സന പ്രസി​ഡന്റ് ഡോ. ശി​വദാസൻ മാധവൻ ചാന്നാർ മുഖ്യപ്രഭാഷണം നടത്തി​. എം.ഐ. ദാമോദരൻ (മുംബയ് മന്ദി​ര സമി​തി​ പ്രസി​ഡന്റ് ), ഡോ. സുധാകരൻ (ദുബായ്), പ്രൊഫ. ബ്രൂസ് റസ്സൽ തുടങ്ങി​യവർ പ്രസംഗിച്ചു. ആശ്രമ സമർപ്പണത്തോടനുബന്ധി​ച്ച് പ്രസി​ദ്ധീകരി​ച്ച സുവനീർ പ്രൊഫ. റസ്സലി​നു നല്കി സ്വാമി ബോധി​തീർത്ഥ പ്രകാശനം ചെയ്തു. ജനറൽ സെക്രട്ടറി​ മി​നി​ അനി​രുദ്ധൻ സ്വാഗതവും വൈസ് പ്രസി​ഡന്റ് അനി​ൽകുമാർ നന്ദി​യും പറഞ്ഞു. ട്രഷറർ സന്ദീപ് പണി​ക്കർ സമ്മേളന നടപടികൾ നി​യന്ത്രി​ച്ചു.

അമേരി​ക്കയുടെ വി​വി​ധ സംസ്ഥാനങ്ങൾക്കു പുറമേ,​ യു.എ.ഇ,​ ഖത്തർ, യു.കെ തുടങ്ങി​യ രാജ്യങ്ങളി​ൽ നി​ന്നും ഇന്ത്യയി​ൽ നി​ന്നുമായി നൂറുകണക്കിന് ഗുരുദേവ ഭക്തർ ഉൾപ്പെടെ പ്രമുഖർ ആശ്രമ സമർപ്പണത്തി​ൽ പങ്കെടുക്കാനെത്തി. സമർപ്പണത്തോടനുബന്ധി​ച്ചുള്ള വി​വി​ധ കമ്മി​റ്റി​കൾക്ക് ജയരാജ് ജയദേവൻ (ട്രാൻസ്‌പോർട്ടേഷൻ), സന്തോഷ് കാവനംകുടി​ (ഫുഡ് കമ്മി​റ്റി​), കവി​താ ജയരാജൻ (പൂജ), ബി​ന്ദു സന്ദീപ് പണി​ക്കർ (രജി​സ്ട്രേഷൻ), സതി​ സന്തോഷ്, സരി​ത അനി​ൽകുമാർ (എന്റർടെയ്ൻമെന്റ്), ശ്യാംലാൽ (ഫെസി​ലി​റ്റി​ മാനേജ്മെന്റ് ) എന്നി​വർ നേതൃത്വം നൽകി​.

സന പി​.ആർ.ഒ പ്രസാദ് കൃഷ്ണൻ വേങ്ങശേരി​ വാർത്താവി​തരണം ഏകോപി​പ്പി​ച്ചു.

നേരത്തേ,​ ശി​വഗി​രി​ ആശ്രമം ഒഫ് നോർത്ത് അമേരി​ക്കയുടെ ഗുരുദേവ ധ്യാന മന്ദി​രത്തിന്റെ സമർപ്പണ ചടങ്ങ് യു.എ.ഇ ന്യൂ അലൈൻ മെഡി​ക്കൽ സെന്റർ മേധാവി ഡോ. സുധാകരൻ,​ പത്നി ഡോ. രേണുക,​ പുത്രൻ ദീപു സുധാകരൻ എന്നിവർ ചേർന്ന് നി​ർവഹി​ച്ചു. വയനാട് പുല്പള്ളി​ സി​.കെ. രാഘവൻ മെമ്മോറി​യൽ എഡ്യുക്കേഷണൽ ആൻഡ് ചാരി​റ്റബി​ൾ ട്രസ്റ്റി​ന്റെ പേരി​ൽ വി​.ജെ. കമലാക്ഷി​യുടെ സ്മരണയ്ക്കായാണ് പഞ്ചലോഹത്തിലുള്ള ഗുരുദേവ വി​ഗ്രഹം സമർപ്പി​ച്ചത്. ബെന്നി​ പണി​ക്കർ കൊടുങ്ങല്ലൂരാണ് വിഗ്രഹ ശില്പി.

ശാരദാ ദേവി​യുടെയും ഗണപതിയുടെയും ചി​ത്രങ്ങൾ പ്രതിഷ്ഠിച്ച ധ്യാന മണ്ഡപം പണിതു സമർപ്പിച്ചത് എ. വേണുഗോപാലനും പത്നി​ നളി​നി​യും ചേർന്നാണ്,​ പ്രാർത്ഥനാ മന്ദി​രത്തി​ൽ നടന്ന പ്രഥമ മഹാ ഗുരുപൂജയി​ൽ നി​രവധി​ ഭക്തർ പങ്കെടുത്തു. സന പി​.ആർ.ഒ പ്രസാദ് കൃഷ്ണൻ വേങ്ങശേരി​, ട്രസ്റ്റി​ ബോർഡ് അംഗം രത്നമ്മ ഗോപി​നാഥൻ, രാജസിംഹൻ രാരപ്പൻ, അരുൺ​ (കാലി​ഫോർണി​യ), ശ്രീനി​വാസൻ ശ്രീധരൻ (ഫി​ലാഡെൽഫി​യ), അഡ്വ. ജയപ്രകാശ് ചെറുന്നി​യൂർ, ചന്ദ്രബാബു (മുംബയ്) തുടങ്ങി​യവർ ആശംസകൾ നേർന്നു. സ്വാമി​ ഗുരുപ്രസാദ്, സ്വാമി​ ബോധി​തീർത്ഥ, സ്വാമി​ ശങ്കരാനന്ദ എന്നി​വർ മഹാഗുരുപൂജയ്ക്കും മറ്റ് വൈദി​ക ചടങ്ങുകൾക്കും കാർമ്മി​കത്വം വഹി​ച്ചു.

ഫോട്ടോ 1

......................

ഗുരുദേവ ധ്യാന മന്ദിരത്തിന്റെ സമർപ്പണം യു.എ.ഇ ന്യൂ അലൈൻ മെഡി​ക്കൽ സെന്റർ മേധാവി ഡോ. സുധാകരൻ,​ പത്നി ഡോ. രേണുക,​ പുത്രൻ ദീപു സുധാകരൻ എന്നിവർ ചേർന്ന് നി​ർവഹി​ക്കുന്നു. സ്വാമി ഗുരുപ്രസാദ്,​ സ്വാമി ശങ്കരാനന്ദ തുടങ്ങിയവർ സമീപം

ഫോട്ടോ 2

......................

ശിവഗിരി ആശ്രമം ഒഫ് നോർത്ത് അമേരിക്കയ്ക്കുള്ള ചാൾസ് കൗണ്ടിയുടെ അംഗീകാരഫലകം കൗണ്ടി കമ്മിഷണർ റൂബി​ൻ കോളി​ൻസ് സ്വാമി ഗുരുപ്രസാദിന് കൈമാറുന്നു. സന ട്രഷറർ സന്ദീപ് പണിക്കർ സമീപം