SignIn
Kerala Kaumudi Online
Wednesday, 23 October 2019 3.47 AM IST

മൂർഖനെ പിടിക്കാൻ വാവയെ വിളിച്ചു, സ്ഥലത്തെത്തിയ വാവ കണ്ടത്? വീഡിയോ

snake-master

ഇന്ന് രാവിലെ മുതൽ നല്ല മഴയായിരുന്നു. മഴ അൽപ്പം ഒന്ന് തോർന്നതും, വീട്ടുടമ വീട്ടുമുറ്റത്തേക്കിറങ്ങി. അപ്പോഴാണ് ആ കാഴ്ച. മുറ്റത്തെ തെങ്ങിന് താഴെയുള്ള മൺതിട്ടയിലെ മാളത്തിൽ ഒരു മൂർഖൻ പാമ്പ് കയറിപോകുന്നു. ഉടൻ തന്നെ ഒരു വലിയ കല്ല് കൊണ്ട് മാളം അടച്ചു. എന്നിട്ട് വാവയെ വിളിച്ചു. തിരുവനന്തപുരം, പോത്തൻകോട്, കാവ്വിളയിലെ ഒരു വീട്ടിലാണ് സംഭവം. ഉടൻ തന്നെ വാവ സ്ഥലത്തേക്ക് എത്തി.

തെങ്ങിന്റെ മൂട്ടിലായതിനാൽ മണ്ണ് മാറ്റിയാൽ തെങ്ങ് മറിയാൻ സാധ്യതയുണ്ട്. അതിനാൽ അടുത്തുള്ള ആദ്യത്തെ രണ്ട് വീട്ടുകാരുടെയും സമ്മതം വാങ്ങി. മണ്ണ് മാറ്റാൻ തുടങ്ങി. കുറച്ച് മണ്ണ് മാറ്റിയപ്പോൾ തന്നെ മൂർഖന്റെ വാല് കണ്ടു. വിചാരിച്ചതു പോലെ പണി എടുക്കേണ്ടി വന്നില്ല. അല്പസമയത്തിനകം പാമ്പിനെ പിടികൂടി. അതിന് ശേഷം, ശ്രീകാര്യത്തിനടുത്തുള്ള ഒരു വീട്ടിലാണ് എത്തിയത്. ഇവിടെ ഒരു കുഞ്ഞ് മൂർഖനെ ബക്കറ്റ് കൊണ്ട് അടച്ച് വെച്ചിരിക്കുന്നു. ഇപ്പോൾ മൂർഖന്റെ മുട്ട വിരിഞ്ഞ് കുഞ്ഞുങ്ങൾ പുറത്തേക്ക് പോകുന്ന സമയമാണ്.

അതിനാൽ ഒത്തിരി മൂർഖൻ കുഞ്ഞുങ്ങളെ വാവ ഇപ്പോൾ പിടികൂടുകയാണ്. എന്തായാലും ബക്കറ്റ് മാറ്റി മൂർഖൻ കുഞ്ഞിനെ പുറത്തെടുത്തു. ചെറുതാണെങ്കെലും വാവയുടെ കൈയ്യിൽ കടിക്കാനുള്ള അതിന്റെ സ്രെമം നോക്കി നിന്നവർക്ക് പുതിയൊരു കാഴ്ചയായിരുന്നു. ഇനിയും പാമ്പ് കാണും എന്ന് വീട്ടുകാർക്ക് സംശയം. ആ സംശയം തീർക്കാൻ തന്നെ വാവ തീരുമാനിച്ചു. കുറച്ച്‌നേരത്തെ തിരച്ചിലിനൊടുവിൽ വാവയുടെ മുന്നിൽ പുതിയൊരു പാമ്പ്, മൂർഖനല്ല. കാണുക സ്‌നേക്ക് മാസ്റ്ററിന്റെ പുതിയ ഈ എപ്പിസോഡ്.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: SNAKE MASTER, EPISODE 475
KERALA KAUMUDI EPAPER
TRENDING IN VIDEOS
VIDEOS
PHOTO GALLERY
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.