തിരുവനന്തപുരം: കോഴിക്കോട് ഗവ. ലാ കോളേജിൽ പഞ്ചവത്സര ബി.ബി.എ എൽഎൽ.ബി (ഓണേഴ്സ്) ത്രിവത്സര എൽ എൽ.ബി (യൂണിറ്ററി) കോഴ്സുകളിലെ ഒഴിവുള്ള സീറ്റുകളിലേക്ക് പുനഃപ്രവേശനത്തിനും തൃശൂർ ഗവ. ലാ കോളേജിൽ പഠിച്ചുകൊണ്ടിരിക്കുന്നവർക്ക് കോളേജ് മാറ്റത്തിനുമായി ജൂൺ ഒമ്പതിന് വൈകിട്ട് മൂന്നുവരെ അപേക്ഷിക്കാം. അപേക്ഷാഫോറവും മറ്റു വിവരങ്ങളും കോളേജ് ലൈബ്രറിയിൽനിന്ന് ലഭിക്കും.
അപേക്ഷയോടൊപ്പം പ്ലസ്ടു / ഡിഗ്രി മാർക്ക് ലിസ്റ്റിന്റെയും പ്രവേശനസമയത്ത് ലഭിച്ച അലോട്ട്മെന്റ് മെമ്മോയുടെയും അവസാനമെഴുതിയ പരീക്ഷയുടെ ഹാൾടിക്കറ്റിന്റെയും ശരിപ്പകർപ്പുകൾ ഉണ്ടായിരിക്കണം. പുനഃപ്രവേശനത്തിന് ശുപാർശ ചെയ്യപ്പെടുന്നവർ യൂണിവേഴ്സിറ്റിയിൽ ആവശ്യമായ ഫീസടച്ച് ഉത്തരവ് കരസ്ഥമാക്കിയ ശേഷം കോളേജിൽ പ്രവേശനം നേടണം.
കോളേജ് മാറ്റത്തിന് അപേക്ഷിക്കുന്നവർ തൃശൂർ ഗവ. ലാ കോളേജ് പ്രിൻസിപ്പൽ സാക്ഷ്യപ്പെടുത്തിയ കോളേജ് മാറ്റത്തിനുള്ള അപേക്ഷ നൽകിയാലേ പരിഗണിക്കൂ. പുനഃപ്രവേശനത്തിനുള്ള അപേക്ഷകൾ പരിഗണിച്ചശേഷമേ കോളേജ് മാറ്റത്തിനുള്ളവ പരിഗണിക്കൂ.
കേരള സർവകലാശാലപരീക്ഷാരജിസ്ട്രേഷൻ
കേരളസർവകലാശാല 2023 ജൂലായ് 12 ന് ആരംഭിക്കുന്ന മൂന്നാം സെമസ്റ്റർ പഞ്ചവത്സര എം.ബി.എ (ഇന്റഗ്രേറ്റഡ്), 2015 സ്കീം (റെഗുലർ & സപ്ലിമെന്ററി പരീക്ഷകളുടെ രജിസ്ട്രേഷൻ ആരംഭിച്ചു. വിശദവിവരങ്ങൾ വെബ്സൈറ്റിൽ.
പ്രൊവിഷണൽ റാങ്ക് ലിസ്റ്റ്
കേരളസർവകലാശാല 2023-2025 ബാച്ചിലേക്കുള്ള എം.ബി.എ പ്രവേശനത്തിനായി കാര്യവട്ടം കാമ്പസിലെ ഇൻസ്റ്റിറ്റ്യൂട്ട് ഒഫ് മാനേജ്മെന്റ് ഇൻ കേരള (ഐ.എം.കെ) യിൽ വച്ച് 2023 മേയ് 29, 30 തീയതികളിൽ നടത്തിയ ഗ്രൂപ്പ് ഡിസ്കഷൻ, പേഴ്സണൽ ഇന്റർവ്യൂ എന്നിവയുടെ
അടിസ്ഥാനത്തിൽ തയ്യാറാക്കിയ പ്രൊവിഷണൽ റാങ്ക് ലിസ്റ്റ് (ഒന്നാം ഘട്ടം) പ്രസിദ്ധീകരിച്ചു. റാങ്ക് ലിസ്റ്റ് www.admissions.keralauniverstiy.ac.in എന്ന പോർട്ടലിൽ ലഭ്യമാണ്.
ടൈംടേബിൾ
കേരളസർവകലാശാല 2023 ജൂൺ 1 ന് പ്രസിദ്ധീകരിച്ച പത്രക്കുറിപ്പ് പ്രകാരം, 2023 ജൂലായ് 12 ന് നടത്താനിരുന്ന ബി.എ. ആന്വൽ സബ്സിഡിയറി പരീക്ഷ ജൂലായ് 14 ലേക്ക് മാറ്റിയിരിക്കുന്നു ഇതിൽ സോഷ്യോളജി വിഷയത്തിനു പകരം, ജനറൽ സൈക്കോളജി എന്ന് തിരുത്തി വായിക്കേണ്ടതാണ്.
വൈവാവോസി
കേരളസർവകലാശാല വിദൂരവിദ്യാഭ്യാസപഠനകേന്ദ്രം 2023 ഏപ്രിലിൽ നടത്തിയ ആറാം സെമസ്റ്റർ ബി.എ (2020 അഡ്മിഷൻ, സപ്ലിമെന്ററി - 2018 & 2019 അഡ്മിഷൻ) പരീക്ഷയുടെ വൈവാവോസി ജൂൺ 6, 7, 8, 9 തീയതികളിൽ കാര്യവട്ടം വിദൂരവിദ്യാഭ്യാസ പഠനകേന്ദ്രത്തിൽ വച്ച് നടത്തുന്നതാണ്.
എട്ടാം ക്ലാസുകാർക്ക് 'ലിറ്റിൽ കൈറ്റ്സ് ' അംഗമാകാം
തിരുവനന്തപുരം: സംസ്ഥാനത്തെ സർക്കാർ എയിഡഡ് ഹൈസ്കൂളുകളിലെ 'ലിറ്റിൽ കൈറ്റ്സ്' ക്ലബുകളിൽ അംഗത്വത്തിന് എട്ടാം ക്ലാസുകാർക്ക് 8വരെ അപേക്ഷിക്കാം. അഭിരുചി പരീക്ഷ 13ന് നടക്കും. പ്രഥമാദ്ധ്യാപകർക്കാണ് അപേക്ഷ നൽകേണ്ടത്. അപേക്ഷാഫോറം സ്കൂളുകളിൽ ലഭിക്കും.
അരമണിക്കൂർ ദൈർഘ്യമുള്ള, സോഫ്ട്വെയർ അധിഷ്ഠിത അഭിരുചി പരീക്ഷയിൽ ലോജിക്കൽ, പ്രോഗ്രാമിംഗ്, 5, 6, 7 ക്ലാസുകളിലെ ഐ.ടി പാഠപുസ്തകം, ഐ.ടി മേഖലയിലെ പൊതുവിജ്ഞാനം എന്നിവയിൽ നിന്ന് ചോദ്യങ്ങളുണ്ടാകും. അഭിരുചി പരീക്ഷയ്ക്കായി 3,4,5 തീയതികളിൽ രാവിലെ 6.30നും രാത്രി 8നും പ്രത്യേക ക്ലാസുകൾ കൈറ്റ് വിക്ടേഴ്സ് സംപ്രേഷണം ചെയ്യും.
തിരഞ്ഞെടുക്കപ്പെടുന്നവർക്ക് ഹാർഡ് വെയർ, അനിമേഷൻ, ഇലക്ട്രോണിക്സ്, മലയാളം കമ്പ്യൂട്ടിംഗ്, സൈബർ സുരക്ഷ, മൊബൈൽആപ്പ് നിർമ്മാണം, പ്രോഗ്രാമിംഗ്, റോബോട്ടിക്സ്, ഇ-ഗവേണൻസ്, റോബോട്ടിക്സ്, ത്രീഡി ആനിമേഷൻ തുടങ്ങിയ മേഖലകളിൽ പരിശീലനം നൽകും. എ ഗ്രേഡ് നേടുന്ന ലിറ്റിൽ കൈറ്റ്സ് അംഗങ്ങൾക്ക് പത്താം ക്ലാസ് പരീക്ഷയിൽ ഗ്രേസ് മാർക്കുണ്ട്. വിശദാംശങ്ങൾക്ക് www.kite.kerala.gov.in.
ഓൺലൈൻ പരിശീലനത്തിന് അപേക്ഷിക്കാം
തിരുവനന്തപുരം: ലൈസൻസ് നിയന്ത്രണങ്ങളില്ലാതെ ഉപയോഗിക്കാൻ കഴിയുന്ന സ്വതന്ത്ര ഡി.ടി.പി സോഫ്റ്റ്വെയറിൽ ഓൺലൈൻ പരിശീലനത്തിന് കൈറ്റ് അപേക്ഷ ക്ഷണിച്ചു. കൈറ്റിന്റെ പരിശീലന പ്ലാറ്റ്ഫോമായ ‘കൂൾ’ വഴിയാണ് നാലാഴ്ച നീണ്ടുനിൽക്കുന്ന പരിശീലനം. രജിസ്ട്രേഷന് www.kite.kerala.gov.in.
കേന്ദ്രീകൃത കൗൺസലിംഗും മോപ്അപ് അലോട്ട്മെന്റും
തിരുവനന്തപുരം: വിദേശത്ത് മെഡിക്കൽ വിദ്യാഭ്യാസം പൂർത്തിയാക്കി സംസ്ഥാന മെഡിക്കൽ കൗൺസിലിൽ നിന്നു പ്രൊവിഷണൽ രജിസ്ട്രേഷൻ കരസ്ഥമാക്കിയിട്ടുള്ളവർക്ക് സർക്കാർ മെഡിക്കൽ കോളേജുകളിൽ ഇന്റേൺഷിപ്പിന് കേന്ദ്രീകൃത കൗൺസലിംഗും മോപ്അപ് അലോട്ട്മെന്റും ജൂൺ എട്ടിന് നടത്തും. തിരുവനന്തപുരത്തുള്ള മെഡിക്കൽ വിദ്യാഭ്യാസ കാര്യാലയത്തിലാണ് (ഡി.എം.ഇ ഓഫീസ്) ഇവ നടത്തുക . വിശദവിവരങ്ങൾക്കും വിജ്ഞാപനത്തിനും: www.dme.kerala.gov.in.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |