പുതിയ നെക്സോൺ ഇ.വി മാക്സ് XZ+ LUX ടാറ്റ മോട്ടോഴ്സ് ഇന്ത്യൻ വിപണിയിൽ അവതരിപ്പിച്ചു. 10.25 ഇഞ്ച് വലിപ്പമുള്ള വലിയ ടച്ച്സ്ക്രീൻ ഇൻഫോടെയ്ൻമെന്റ് സിസ്റ്റം പോലെയുള്ള അപ്ഗ്രേഡുകൾക്കൊപ്പം 3.3 കിലോവാട്ട് ചാർജറും 7.2 കിലോവാട്ട് ചാർജറും ഉൾപ്പെടെ രണ്ട് ചാർജിംഗ് ഓപ്ഷനുകളോടെയാണ് പുതിയ വേരിയന്റ് പുറത്തിറക്കിയിരിക്കുന്നത്. ആൻഡ്രോയിഡ് ഓട്ടോ, ആപ്പിൾ കാർപ്ലേ കണക്റ്റിവിറ്റി ഫീച്ചറുകൾ, ഇന്റഗ്രേറ്റഡ് വോയ്സ് അസിസ്റ്റന്റ്, റിവേഴ്സ് പാർക്കിംഗ് ക്യാമറ എന്നിങ്ങനെ ഒന്നിലധികം ഫീച്ചർ അപ്ഗ്രേഡുകൾ പുതിയ ടാറ്റ നെക്സോൺ ഇവി മാക്സിന് ലഭിക്കുന്നു.
40.5kWh ബാറ്ററിയാണ് നെക്സോൺ ഇവി മാക്സിന് ഉള്ളത്. ഇതിന് 453km റേഞ്ച് നൽകുന്നു. 143 കുതിരശക്തിയും 250 Nm ടോർക്കും ഉത്പാദിപ്പിക്കുന്ന സിംഗിൾ ഇലക്ട്രിക് മോട്ടോർ.3.3kW, 7.2kW ചാർജറാണ് ഇതിനുള്ളത്. നെക്സോൺ ഇ.വി മാക്സ് ഡാർക്കിന് 50kW DC ഫാസ്റ്റ് ചാർജിംഗ് പിന്തുണയ്ക്കാൻ കഴിയുമെന്ന് ടാറ്റ അവകാശപ്പെടുന്നു, ഇത് 56 മിനിറ്റിനുള്ളിൽ ബാറ്ററി പൂജ്യം ശതമാനം മുതൽ 80 ശതമാനം വരെ ചാർജ് ചെയ്യാം.
ടാറ്റ നെക്സോൺ ഇവി മാക്സിന്റെ ഏറ്റവും കുറഞ്ഞ വേരിയന്റിന് 16.49 ലക്ഷം രൂപയാണ് എക്സ്-ഷോറൂം വില. ഡാർക്ക് XZ+ ലക്സ് 7.2 kW എസി ഫാസ്റ്റ് ചാർജറാണ് 19.54 ലക്ഷം രൂപ (എക്സ്-ഷോറൂം) വിലയുള്ള കാറിന്റെ ഏറ്റവും ചെലവേറിയ വകഭേദം.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |