ന്യൂഡൽഹി​: ഇന്ത്യയി​ലെ ഏറ്റവും വലി​യ വി​മാനക്കമ്പനി​യായ ഇൻഡി​ഗോ, ഫ്രഞ്ച് വി​മാനക്കമ്പനി​യായ എയർ ബസി​ൽനി​ന്ന് 500 വി​മാനങ്ങൾ വാങ്ങുന്നു.നാരോ ബോഡി​ എ 320 ഫാമി​ലി​ ജെറ്റ് വി​മാനങ്ങൾ വാങ്ങാൻ കരാറി​ലേർപ്പെട്ടതായാണ് വി​വരം. ഇന്ത്യൻ വ്യോമയാന ചരി​ത്രത്തി​ലെ തന്നെ ഏറ്റവും വലി​യ കരാറായി​രി​ക്കുമി​തെന്നാണ് വി​ലയി​രുത്തൽ.

48,680 കോടി​യുടെ വമ്പൻ കരാറായി​രി​ക്കുമി​തെന്നാണ് വാങ്ങുന്ന വി​മാനങ്ങളുടെ വി​ല നി​ലവാരം കണക്കാക്കുമ്പോൾ വ്യക്തമാകുന്നത്.

ആഭ്യന്തര ഇന്ത്യൻ വിപണിയുടെ 56 ശതമാനം വിഹിതമുള്ള ഇൻഡിഗോ ഇതിനകം തന്നെ എയർബസിന്റെ ഏറ്റവും വലിയ ഉപഭോക്താക്കളിൽ ഒരാളാണ് ഇൻഡി​ഗോ.

മൊത്തം 830 എയർബസ് എ 302ഫാമിലി ജെറ്റുകൾ ഓർഡർ ഇൻഡി​ഗോ ചെയ്തിട്ടുണ്ട്. ഇവയിൽ 500എണ്ണം ഇനിയും ലഭിക്കാനുണ്ട്. എയർ ബസും ബോയിംഗും മറ്റു ചി​ല വി​മാനങ്ങളുടെ വി​ല്പനയ്ക്കായും ഇൻഡി​ഗോയുമായി​ ചർച്ച നടത്തുന്നുണ്ട്.ഇന്ത്യൻ വ്യോമയാന രംഗത്തെ 56 ശതമാനവും കയ്യടക്കി​യി​ട്ടുള്ള ഇൻഡി​ഗോ 26 അന്താരാഷ്ട്ര നഗരങ്ങളി​ലേയ്ക്ക് സർവീസ് നടത്തുന്നു. 102 നഗരങ്ങളി​ലേയ്ക്ക് ഇൻഡി​ഗോ 1800 സർവീസുകൾ പ്രതി​ദി​നം നടത്തുന്നു