ശംഖുംമുഖം: രാജ്യത്തെ ആദ്യ രാഷ്ട്രപതി ഡോ. രാജേന്ദ്ര പ്രസാദിൽ നിന്ന് അശോകചക്ര ഏറ്റുവാങ്ങിയ തിരുവനന്തപുരം ചെറിയതുറ ടി.സി 45/145 സമൃദ്ധിയിൽ ആൽബി ഡിക്രൂസ് (87) നിര്യാതനായി. കേരളത്തിൽ നിന്ന് ആദ്യമായി അശോകചക്ര ലഭിച്ച വ്യക്തിയായിരുന്നു. അസാം റൈഫിൾസിൽ അംഗമായിരുന്ന ഡിക്രൂസിന് അറുപതുകളിൽ നാഗ കലാപകാരികളുമായി നടന്ന ആഭ്യന്തര യുദ്ധത്തിൽ കാട്ടിയ ധീരത പരിഗണിച്ചാണ് രാജ്യം 1962 ഏപ്രിൽ 30ന് അശോകചക്ര നൽകിത്.

വിരമിച്ച ശേഷം വിദേശത്തേക്ക് ജോലി തേടി പോയി. മടങ്ങിയെത്തിയ ശേഷം ചെറിയതുറയിലെ കുടുംബ വീട്ടിലായിരുന്നു താമസം. സംസ്‌കാരം ഇന്ന് രാവിലെ 10ന് ചെറിയതുറ അസംപ്ഷൻസ് ദേവാലയത്തിൽ നടക്കും. ചടങ്ങുകൾക്ക് മുന്നോടിയായി കരസേന അന്തിമോപചാരം നൽകും. ഭാര്യ: മെറ്റിൽഡ. മക്കൾ: ഗ്ളാടിസ്റ്റൺ, ശോഭ, പരേനായ ഇഗ്നേഷ്യസ്. മരുമക്കൾ: ഹേസൽ, വർഗീസ്, റൂബിനെർ.