ന​ട​ക്കാ​ൻ​ ​ഇ​റ​ങ്ങി​യ​ ​ഒ​രു​ ​ബി​ന്ദു​വും, ബി. ഡി. ദത്തന്റെ വരകളും

കൊ​ന്ന​പ്പൂ​ക്ക​ളെ​ക്കു​റി​ച്ചു​ള്ള​ ​ഒ​രു​ ​ക​വി​ത​ ​ഡോ​ക്ട​ർ​ ​അ​യ്യ​പ്പ​പ്പ​ണി​ക്ക​ർ​ ​തു​ട​ങ്ങു​ന്ന​ത് ​'പൂ​ക്കാ​തി​രി​ക്കാ​ൻ​ ​എ​നി​ക്കാ​വ​തി​ല്ലേ​"​ ​എ​ന്ന​ ​വ​രി​യോ​ടെ​യാ​ണ്.​ ​ക​ണി​ക്കൊ​ന്ന​യ്ക്ക് ​പൂ​ക്കാ​തി​രി​ ​ക്കാ​ൻ​ ​ക​ഴി​യാ​ത്ത​തു​ ​പോ​ലെ​യാ​ണ് ​ബി​ .​ഡി​ ​ദ​ത്ത​ൻ​ ​എ​ന്ന​ ​ക​ലാ​കാ​ര​ന് ​വ​ര​യ്ക്കാ​തി​രി​ക്കാ​ൻ​ ​ക​ഴി​യാ​ത്ത​തും. രേ​ഖാ​ചി​ത്ര​ങ്ങ​ൾ​ ​അ​ട​ങ്ങി​യ​ ​ഈ​ ​പ്ര​ദ​ർ​ശ​ന​ത്തി​ലെ​ ​ഏ​റെ​ക്കു​റെ​ ​എ​ല്ലാ​ ​ചി​ത്ര​ങ്ങ​ളും​ ​മ​ഹാ​മാ​രി​യു​ടെ​ ​സ​മ​യ​ത്തും​ ​തു​ട​ർ​ന്നും​ ​വ​ര​ച്ച​വ​യാ​ണ്.​ ​അ​ത്ത​ര​മൊ​രു​ ​മ​ഹാ​ശേ​ഖ​ര​ത്തി​ൽ​ ​നി​ന്ന് ​ക​ലാ​കാ​ര​ന്മാ​ർ​ക്ക് ​എ​പ്പോ​ൾ​ ​വേ​ണ​മെ​ങ്കി​ലും​ ​സ​ർ​ഗാ​ത്മ​ക​ ​സ്രോ​ത​സു​ക​ൾ​ ​ക​ണ്ടെ​ത്താം.​ ​അ​തി​നു​ ​ബോ​ധ​പൂ​ർ​വ​മാ​യ​ ​ശ്ര​മ​ങ്ങ​ൾ​ ​വേ​ണ​മെ​ന്നി​ല്ല.​ ​വ​ര​യ്ക്കാ​നി​രി​ക്കു​മ്പോ​ൾ​ ​ക​ലാ​കാ​ര​ൻ​ ​അ​നു​ഭ​വി​ക്കു​ന്ന​ ​ഏ​കാ​ന്ത​ത​ ​എ​ന്ന​ത് ​ഒ​രു​ ​ബി​ന്ദു​വാ​ണ്.​ ​ന​ട​ക്കാ​നി​റ​ങ്ങി​യ​ ​ഒ​രു​ ​ബി​ന്ദു​ ​ഒ​രു​ ​രേ​ഖ​യാ​യി​ ​മാ​റു​ന്നു​ ​എ​ന്ന് ​'​പോ​ൾ​ ​ക്‌​ളീ​"​ ​പ​റ​ഞ്ഞ​ത് ​ന​ട​പ്പി​ന് ​തൊ​ട്ടു​മു​ൻ​പു​ള്ള​ ​ചൂ​ളം​ ​കു​ത്തു​ന്ന​ ​ഏ​കാ​ന്ത​ത​യെ​ക്കു​റി​ച്ചാ​ണ്.​ ​ദ​ത്ത​ൻ​ ​മാ​ഷ് ​വ​ര​യ്ക്കാ​നി​രി​ക്കു​മ്പോ​ൾ​ ​അ​ബോ​ധാ​നു​ഭ​വ​ങ്ങ​ളു​ടെ​ ​മ​ഹാ​ശേ​ഖ​രം​ ​തു​റ​ക്ക​പ്പെ​ടു​ന്നു.​ ​ഏ​കാ​ന്ത​ത​യി​ൽ​ ​നി​ന്ന് ​നി​ഴ​ലു​ക​ൾ​ ​നീ​ണ്ടെ​ത്തു​ന്ന​ത് ​പോ​ലെ​ ​അ​വ​ ​ചി​ത്ര​ത​ല​ത്തി​ൽ​ ​പ​ട​രു​ന്നു.​ ​ഏ​കാ​ന്ത​ത​ ​ഇ​ല്ലാ​താ​വു​ക​യും​ ​അ​വി​ടേ​ക്ക് ​ച​രി​ത്രാ​നു​ഭ​വ​വും​ ​മി​ത്തും​ ​നാ​ടോ​ടി​പാ​ര​മ്പ​ര്യ​ങ്ങ​ളും​ ​അ​ട​ങ്ങു​ന്ന​ ​ഓ​ർ​മ​ക​ളു​ടെ​ ​സ​ഞ്ച​യ​വും​ ​ക​ട​ന്നു​വ​രു​ന്നു.​ ​ന​ട​ക്കാ​നി​റ​ങ്ങു​ന്ന​ ​ബി​ന്ദു,​ ​'​ഒ.​വി.​വി​ജ​യ​ൻ​"​ ​പ​റ​ഞ്ഞ​തു​പോ​ലെ​ ​മ​റ്റ​നേ​കം​ ​ബി​ന്ദു​ക്ക​ളെ​ ​സ്ഥ​ല​കാ​ല​രാ​ശി​ക​ളി​ൽ​ ​ക​ണ്ടെ​ത്തി​യെ​ന്ന​ത്​ ​പോ​ലെ​ ​വ​ള​വു​ക​ളും​ ​തി​രി​വു​ക​ളും​ ​ക​ട​ന്നു​ ​രൂ​പ​ങ്ങ​ളാ​യി​ ​മാ​റു​ന്നു.

ടാ​ഗോ​ർ​ ​ക​വി​ത​ക​ളു​ടെ​ ​ചി​ത്രീ​ക​ര​ണം​ ​അ​ന്വേ​ഷി​ക്കു​ന്ന​വ​ർ​ക്ക് ​ഒ​രു​പക്ഷേ അ​വ​ ​കാ​ണാ​ൻ​ ​ക​ഴി​യി​ല്ല,​ ​എ​ന്നാ​ൽ​ ​ടാ​ഗോ​ർ​ ​ക​വി​ത​ക​ളി​ലെ​ ​ഭാ​വം​ ​അ​റി​യാ​വു​ന്ന​വ​ർ​ക്ക് ​ദ​ത്ത​ൻ​ ​മാ​ഷി​ന്റെ​ ​വ​ര​ക​ളി​ലെ​ ​ഭാ​വ​താ​ര​ള്യ​വും​ ​സൗ​കു​മാ​ര്യ​വും​ ​കാ​ണാ​തി​രി​ക്കാ​ൻ​ ​ആ​വി​ല്ല. ഈ​ ​പ്ര​ദ​ർ​ശ​ന​ത്തി​ൽ​ ​ഉ​ള്ള​ ​ഓ​രോ​ ​ചി​ത്ര​വും​ ​മൂ​ന്ന് ​ഭൗ​തി​ക​ ​ഇ​ട​ങ്ങ​ളി​ൽ​ ​നി​ന്ന് ​വീ​ക്ഷി​ക്ക​പ്പെ​ടേ​ണ്ട​വ​ ​യാ​ണ്.​ ​ഒ​ന്നാ​മ​താ​യി,​ ​അ​വ​ ​പ്ര​വേ​ശ​ന​വേ​ള​യി​ൽ​ ​കാ​ണ​പ്പെ​ടു​ന്ന​ ​വി​ദൂ​ര​ദൃ​ശ്യ​ത്തി​ന്റെ​ ​പ്ര​ചു​രി​മ​യാ​യി​ ​കാ​ണ​ണം.​ ​ര​ണ്ടാ​മ​താ​യി,​ ​അ​വ​യി​ലേ​ക്ക് ​ഒ​രു​ ​മ​ധ്യ​ദൂ​രം​ ​സ്ഥാ​പി​ച്ച​ ​ശേ​ഷം​ ​അ​വി​ടെ​ ​നി​ന്ന് ​കാ​ണാം.​ ​മൂ​ന്നാ​മ​താ​യി,​ ​സൂ​ക്ഷ്മ​ദൃ​ശ്യാ​നു​ഭ​വ​ത്തി​നെ​ന്നോ​ണം​ ​അ​ടു​ത്തു​ചെ​ന്ന് ​കാ​ണ​ണം.​ ​ആ​ദ്യ​ത്തേ​തി​ൽ​ ​ചി​ത്ര​ങ്ങ​ളു​ടെ​ ​ഒ​ഴു​ക്കി​നെ​യും​ ​അ​വ​യു​ടെ​ ​പൊ​തു​സൗ​ന്ദ​ര്യ​ത്തെ​യും​ ​മ​ന​സി​ലാ​ക്കാ​ൻ​ ​ക​ഴി​യും.​ ​ര​ണ്ടാ​മ​ത്തെ​ ​മ​ധ്യ​ദൂ​ര​ത്തി​ൽ​ ​നി​ന്നു​കൊ​ണ്ട് ​അ​വ​യി​ലെ​ ​രൂ​പ​ങ്ങ​ളെ​ ​തി​രി​ച്ച​റി​യാ​ൻ​ ​സാ​ധി​ക്കും.​ ​മൂ​ന്നാ​മ​ത്തെ​ ​സ​മീ​പ​സ്ഥ​ദൃ​ശ്യ​ത്തി​ൽ​ ​നി​ന്ന് ​ദ​ത്ത​ൻ​ ​മാ​ഷ് ​അ​വ​ത​രി​പ്പി​ക്കു​ന്ന​ ​ക​ഥാ​പാ​ത്ര​ങ്ങ​ൾ​ ​ഏ​തെ​ല്ലാം​ ​പ​രി​ചി​ത​വും​ ​അ​പ​രി​ചി​ത​വും​ ​ആ​യ​ ​ദൃ​ശ്യ​ബിം​ബ​ ​സ​മു​ച്ച​യ​ങ്ങ​ൾ​ ​അ​വ​ത​രി​പ്പി​ക്കു​ന്നു​ ​എ​ന്ന് ​കാ​ണാം.​ ​ഓ​രോ​ ​കാ​ഴ്ച​യും​ ​വ്യ​ത്യ​സ്ത​മാ​യ​ ​ദൃ​ശ്യാ​നു​ഭ​വ​ങ്ങ​ളാ​ണ് ​പ്ര​ദാ​നം​ ​ചെ​യ്യു​ന്ന​ത്.​ ​ദൂ​രെ​നി​ന്ന്,​ ​വ​ര​ക​ളു​ടെ​ ​വ​ല​ക്ക​ണ്ണി​ക​ളാ​യി​ ​തോ​ന്നു​ന്ന​ ​ചി​ത്ര​ങ്ങ​ൾ​ ​മ​ധ്യ​ദൂ​ര​ ​ത്തി​ലെ​ത്തു​മ്പോ​ഴേ​ക്കും​ ​രൂ​പ​ങ്ങ​ളാ​യും​ ​അ​ടു​ത്തെ​ത്തു​മ്പോ​ൾ​ ​ന​രേ​റ്റീ​വു​ക​ളാ​യും​ ​രൂ​പ​പ്പെ​ടു​ന്ന​ ​ഭാ​വ​ന​യു​ടെ​ ​ഒ​രു​ ​ലീ​ല​ ​ഇ​ത്ത​രം​ ​കാ​ഴ്ച​യി​ലൂ​ടെ​ ​അ​നു​ഭ​വ​വേ​ദ്യ​മാ​കും. ഈ​ ​ചി​ത്ര​ങ്ങ​ളി​ലൂ​ടെ​ ​ദ​ത്ത​ൻ​ ​മാ​ഷ് ​വ​ര​ച്ചി​ടാ​ൻ​ ​ശ്ര​മി​ക്കു​ന്ന​ത് ​എ​ന്താ​യാ​ലും​ ​ഒ​രു​ ​ക​ഥ​യ​ല്ല​ ​എ​ന്ന് ​ഉ​റ​പ്പി​ച്ചു​ ​പ​റ​യാ​മെ​ങ്കി​ലും​ ​ഒ​രു​ ​പു​രാ​വൃ​ത്ത​പ​ശ്ചാ​ത്ത​ല​ത്തി​ലൂ​ടെ​ ​കാ​ണി​ക​ൾ​ക്ക് ​ഈ​ ​ചി​ത്ര​ങ്ങ​ൾ​ ​കാ​ണാ​ൻ​ ​ക​ഴി​യു​ക​യും​ ​അ​ങ്ങ​നെ​ ​കാ​ണു​ന്ന​തോ​ടെ​ ​അ​വ​യി​ൽ​ ​അ​ട​ങ്ങി​യി​രി​ക്കു​ന്ന​ ​ക​ഥ​ക​ളെ​ ​പേ​ർ​ത്തെ​ടു​ക്കാ​ൻ​ ​ക​ഴി​യു​ക​യും​ ​ചെ​യ്യും.​ ​സൂ​ക്ഷ്മ​മാ​യി​ ​നോ​ക്കി​യാ​ൽ​ ​നാ​ടോ​ടി​ ​ദൃ​ശ്യ​പാ​ര​മ്പ​ര്യ​ങ്ങ​ളു​ടെ​ ​സ​മൃ​ദ്ധി​യെ​ ​ദ​ത്ത​ൻ​ ​മാ​ഷ് ​ത​ന്റെ​ ​ചി​ത്ര​ങ്ങ​ളി​ലേ​ക്ക് ​സ​ന്നി​വേ​ശി​പ്പി​ച്ചി​രി​ക്കു​ന്ന​ത് ​കാ​ണാം.

എ​ല്ലാ​ ​മ​നു​ഷ്യ​രി​ലും​ ​കെ​ടാ​തെ​ ​കി​ട​ക്കു​ന്ന​ ​ദേ​ശ​ത്തി​ന്റെ​ ​ഓ​ർ​മ​ക​ൾ​ ​എ​ന്ന​ ​നി​ല​യി​ൽ​ ​ക്കൂ​ടി​യാ​ണ് ​ദ​ത്ത​ൻ​ ​മാ​ഷിന്റെ ​ ​ചി​ത്ര​ങ്ങ​ളി​ൽ​ ​കാ​ണ​പ്പെ​ടു​ന്ന​ത്. ഈ​ ​ചി​ത്ര​ങ്ങ​ളി​ൽ​ ​ഒ​രു​ ​ശൈ​വാ​നു​ഭൂ​തി​യു​ണ്ട്.​ ​ശൈ​വം​ ​ശി​വ​ബ​ന്ധം​ ​എ​ന്ന​ ​അ​ർത്ഥ​ത്തി​ലും​ ​ത്യാ​ഗം,​ ​സ​ഹ​നം,​ ​അ​ട​ക്കം​ ​എ​ന്നീ​ ​അ​ർത്ഥ​ങ്ങ​ളി​ലും​ ​കാ​ണ​പ്പെ​ടു​ന്നു.​ ​എ​ല്ലാ​ ​വി​ധ​ത്തി​ലു​മു​ള്ള​ ​ബ​ന്ധ​പാ​ശ​ങ്ങ​ളെ​യും​ ​ഭേ​ദി​ച്ചൊ​രു​ ​ദൈ​വ​സ​ങ്ക​ല്പമാ​ണ് ​ശി​വം.​ ​അ​തി​നു​ ​നാ​ടോ​ടി​ ​പാ​ര​മ്പ​ര്യ​ങ്ങ​ളി​ൽ​ ​വ​ലി​യ​ ​പ്രാ​ധാ​ന്യ​മാ​ണു​ള്ള​ത്.​ ​ദേ​ശ​ത്തി​ന്റെ​ ​ഓ​രോ​ ​കോ​ണി​ലും​ ​ചെ​ന്നെ​ത്തു​ന്ന​ ​ത്യാ​ഗ​ബോ​ധ​ത്തി​ന്റെ​യും​ ​നീരസ​ത്തി​ന്റെ​യും​ ​നി​ർമ്മമത​യു​ടെ​യും​ ​അ​ഹ​ന്താ​ഹ​ത്യ​യു​ടെയും​ ​ഒ​ക്കെ​ ​പു​രാ​വൃ​ത്ത​മാ​ണ് ​ശൈ​വ​പു​രാ​വൃ​ത്ത​ങ്ങ​ൾ.​ ദ​ത്ത​ൻ​ ​മാ​ഷു​ടെ​ ​ചി​ത്ര​ങ്ങ​ളി​ൽ​ ​ത്യാ​ഗ​മൂ​ർ​ത്തി​യും​ ​ത​ന്നി​ലെ​ ​അ​ഹ​ന്ത​യെ​ ​സ്വ​യം​ ​കീ​ഴ​ട​ക്കി​യ​വ​നു​മാ​യ​ ​ഒ​രു​ ​ശി​വ​നെ​ ​കാ​ണാ​ൻ​ ​ക​ഴി​യും.​ ​ഒ​പ്പം​ ​ച​ണ്ഡി​ക​യു​ടെ​യും​ ​ദു​ർ​ഗ​യു​ടെ​യും​ ​കാ​ൽ​ക്കീ​ഴി​ൽ​ ​വീ​ണു​കി​ട​ക്കു​ന്ന​ ​ശി​വ​നാ​യും​ ​ആ​ ​രൂ​പ​ങ്ങ​ളെ​ ​കാ​ണാ​ൻ​ ​ക​ഴി​യും.​ ​ഇ​തി​നെ​ ​ഊ​ട്ടി​യു​റ​പ്പി​ക്കു​ന്ന​താ​ണ് ​ദ​ത്ത​ൻ​ ​മാ​ഷു​ടെ​ ​ചി​ത്ര​ങ്ങ​ളി​ൽ​ ​ആ​വ​ർ​ത്തി​ച്ചു​ ​വ​രു​ന്ന​ ​പു​ലി​യു​ടെ​യും​ ​ക​ടു​വ​യു​ടെ​യും​ ​രൂ​പ​ങ്ങ​ൾ. ദ​ത്ത​ൻ​ ​മാ​ഷു​ടെ​ ​വരക​ളെ​ല്ലാം സ്വ​ത​ന്ത്ര​മാ​യ​ ​ചി​ത്ര​ങ്ങ​ൾ​ ​എ​ന്ന​ ​നി​ല​യി​ൽ​ത്ത​ന്നെ​യാ​ണ് ​സ​മീ​പി​ക്കേ​ണ്ട​ത്.​ ​കാ​ര​ണം​ ​അ​വ​ ​പെ​യി​ന്റിംഗു​ക​ൾ​ക്ക് ​മു​ൻ​പേ​യു​ള്ള​ ​ഒ​രു​ ​സം​ക്ര​മ​ണ​ ​ഇ​ടം​ ​അ​ല്ല.​ ​വ​ര​യ്ക്കാ​തി​രി​ക്കാ​ൻ​ ​എ​നി​ക്കാ​വ​തി​ല്ലേ​ ​എ​ന്ന​ ​പ്ര​ചോ​ദ​ന​ത്തി​ലാ​ണ് ​അ​വ​യു​ടെ​ ​തു​ട​ക്കം,​ തു​ട​ർ​ച്ച​യും.