SignIn
Kerala Kaumudi Online
Wednesday, 20 November 2019 5.06 PM IST

നെടുങ്കണ്ടം കസ്റ്റഡി മരണം: രണ്ട് പൊലീസുകാർ കൂടി അറസ്റ്റിൽ

nedumkandam-

ഇടുക്കി : നെടുങ്കണ്ടം കസ്റ്റഡി മരണക്കേസിൽ രണ്ട് പൊലീസുകാർ കൂടി അറസ്റ്റിലായി. ഡ്രൈവർ നിയാസ്, എ.എസ്.ഐ റെജിമോൻ എന്നിവരാണ് അറസ്റ്റിലായത്. വിശദമായ ചോദ്യംചെയ്യലിന് ശേഷമാണ് ഇവരെ അറസ്റ്റ് ചെയ്തത്. ഇതോടെ കേസിൽ അറസ്റ്റിലായവരുടെ എണ്ണം നാലായി.

നിയാസ്, എ.എസ്.ഐ റെജിമോൻ എന്നിവർ നേരത്തെ ഒളിവിൽ പോയിരുന്നു. ഇന്നുരാവിലെയാണ് ഇരുവരും അന്വേഷണ സംഘത്തിന് മുന്നിൽ ഹാജരായത്. തുടർന്നായിരുന്നു ചോദ്യം ചെയ്യൽ. ആരോപണ വിധേയനായ ഇടുക്കി എസ്‌.പി കെ.ബി.വേണുഗോപാലിനെ സ്ഥലം മാറ്റിയിട്ടുണ്ട്. ഭീകരവിരുദ്ധ സ്‌ക്വാഡ് എസ്‌.പിയായാണ് സ്ഥലം മാറ്റം. പകരം മലപ്പുറം എസ്‌.പിയായ ടി.നാരായണനെ ഇടുക്കി എസ്‌.പിയായി നിയമിച്ചു.

കെ.ബി. വേണുഗോപാലിനെതിരെ വ്യാപകമായി ആരോപണങ്ങൾ ഉയർന്നിരിക്കുന്ന സാഹചര്യത്തിലാണ് നടപടി. എന്നാൽ എസ്‌.പി വേണുഗോപാലിനെതിരെ കൊലക്കുറ്റത്തിന് കേസെടുത്ത് സസ്പെൻഡ് ചെയ്യണമെന്നാണ് സി.പി.ഐയുടേയും കോൺഗ്രസിന്റെയും ആവശ്യം. കൊലപാതകത്തിൽ നെടുങ്കണ്ടം എസ്‌.ഐ കെ.എ.സാബു, സിവിൽ പൊലീസ് ഉദ്യോഗസ്ഥൻ സജീവ് ആന്റണി എന്നിവരാണ് ഇതുവരെ റിമാൻഡിലായത്. സാമ്പത്തികതട്ടിപ്പു കേസിലെ പ്രതി രാജ്കുമാറാണ് കസ്റ്റഡിയിലെ ക്രൂരമർദനത്തെ തുടര്‍ന്ന് മരിച്ചത്. ഒമ്പതു പൊലീസുകാർ മർദ്ദിച്ചെന്ന് കേസിലെ മറ്റുപ്രതികളായ ശാലിനിയുടെയും മഞ്ജുവിന്റെയും മൊഴി പുറത്തുവന്നതിനു പിന്നാലെയാണ് അറസ്റ്റ് വേഗത്തിലായത്

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: NEDUMKANDAM CUSTODY DEATH, RAJKUMAR CUSTODY DEATH
KERALA KAUMUDI EPAPER
TRENDING IN KERALA
VIDEOS
PHOTO GALLERY
TRENDING IN KERALA
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.