SignIn
Kerala Kaumudi Online
Thursday, 22 August 2019 6.42 PM IST

ആ ഒരു സെക്കൻഡിലാണ് എല്ലാം മാറിമറിഞ്ഞത്,​ ഇന്ത്യ തോൽവി ഉറപ്പിച്ച നിമിഷം

dhoni

മാഞ്ചസ്റ്റർ : രവീന്ദ്രജഡേജയുടെയും ധോണിയുടെയും പോരാട്ടം പാഴായപ്പോൾ ന്യൂസിലാൻഡിനെതിരെ 18 റൺസിനാണ് ഇന്ത്യ തോൽവി സമ്മതിച്ചത്. ലോകകപ്പ് സെമിയിൽ തുടക്കത്തിൽ തകർന്നടിഞ്ഞ ഇന്ത്യ അവസാനം മത്സരത്തിലേക്ക് തിരിച്ചുവരുന്നതാണ് കണ്ടത്. ഹാർദിക് പാണ്ഡ്യ പുറത്തായ പുറത്തായ ശേഷം ക്രീസിൽ ഒത്തുചേർന്ന് ധോണി - ജഡേജ സഖ്യം പടുത്തുയർത്തിയ 116 റൺസ് കൂട്ടുകെട്ട് ഇന്ത്യയെ ഫൈനലിലെത്തിക്കും എന്നായിരുന്നു ആരാധകർ കരുതിയത്. എന്നാൽ ജഡേജ പുറത്തായത് പിന്നാലെ ആ മോഹം ധോണിയിലേക്ക് മാറ്റി ആരാധക‌ കാത്തിരുന്നു. സിക്സർ പറത്തി ആരാധകരുടെ പ്രതീക്ഷകൾക്ക് ധോണി ചിറകുകളും നൽകി.

48ാം ഓവർ എറിഞ് ലോക്കി ഫെര്‍ഗൂസനെ ആദ്യ പന്തിൽ തന്നെ സിക്സർ അടിച്ച് ധോണി തുടങ്ങുകയും ചെയ്തു. എന്നാൽ ആ ഓവറിലെ മൂന്നാംപന്തിൽ നിർഭാഗ്യം മാർട്ടിൻ ഗുപിടിലിന്റെ കൈകകളിലൂടെ ഇന്ത്യയെ തേടിയെത്തി. ഡബിൾ എടുക്കാനുള്ള ധോണിയുടെ ശ്രമം റണ്ണൗട്ടിൽ കലാശിച്ചു. മാർട്ടിൻ ഗുപ്ടിൽ ദൂരെ നിന്ന് എറിഞ്ഞ ത്രോ നേരിട്ട് വിക്കറ്റിൽ കൊണ്ടതാണ് ധോണിയുടെയും ഇന്ത്യയുടെയും കണക്കുകൂട്ടൽ തെറ്റിച്ചത്. അതോടെ ഇന്ത്യയുടെ പോരാട്ടവും അവസാനിച്ചു.

ന്യൂസീലൻഡിനെതിരെ 240 റണ്‍സ് വിജയലക്ഷ്യം പിന്തുടർന്ന ഇന്ത്യക്ക് പത്തോവർ എത്തും മുൻപു തന്നെ നാല് മുൻനിര വിക്കറ്റുകൾ നഷ്ടമായിരുന്നു. 31 ഓവറിനു മുന്‍പ് ആറാം വിക്കറ്റും നഷ്ടമായി. ഓപ്പണർമാരായ രോഹിത് ശർമ (1), കെ.എൽ. രാഹുൽ (1), ക്യാപ്റ്റൻ വിരാട് കോ‌ഹ്‌ലി (1), ദിനേഷ് കാര്‍ത്തിക് (6), ഋഷഭ് പന്ത് (32), ഹാർദിക് പാണ്ഡ്യ (32) എന്നിവരാണ് പുറത്തായത്.

നേരത്തെ ആദ്യം ബാറ്റു ചെയ്ത കിവീസ് നിശ്ചിത 50 ഓവറിൽ എട്ടു വിക്കറ്റ് നഷ്ടത്തിൽ 239 റൺസാണ് നേടിയത്. മഴ കാരണം ചൊവ്വാഴ്ച്ച നിറുത്തിവെച്ച മത്സരം റിസർവ് ദിനമായ ബുധനാഴ്ച പുനഃരാരംഭിക്കുകയായിരുന്നു.


JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: WORLD CUP 2019, INDIAN CRICKET TEAM, ICC WORLD CUP, INDIA NEWZEALAND SEMI, MS DHONI
KERALA KAUMUDI EPAPER
VIDEOS
PHOTO GALLERY
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.