SignIn
Kerala Kaumudi Online
Monday, 21 October 2019 11.42 PM IST

എന്റെ പൊന്നേ...പിടിച്ചാൽ കിട്ടില്ല, സ്വർണം പവന് 280 രൂപ വർദ്ധിച്ചു: ഇനിയും ഉയരുമെന്ന് സൂചന

gold-rate

കൊച്ചി: സ്വർണവില കുതിച്ചുയരുന്നു. ഒരാഴ്ച്ചയ്ക്ക് ശേഷമാണ് സ്വ‍ർണ വിലയിൽ മാറ്റം രേഖപ്പെടുത്തിയത്. കേരളത്തിൽ റെക്കോഡ് വിലയാണ് ഇന്ന് രേഖപ്പെടുത്തിയിരിക്കുന്നത്. പവന് 280 രൂപ വർദ്ധിച്ചു. ഒരു പവൻ സ്വർണത്തിന് 25,800 രൂപയാണ് വ്യാഴാഴ്ചത്തെ വില. ഇനിയും വില വർദ്ധിച്ചേക്കുമെന്നാണ് വ്യാപാരികൾ സൂചിപ്പിക്കുന്നത്. ഗ്രാമിന് 3225 രൂപയാണ് വില.

അമേരിക്കയിലെ സാമ്പത്തിക-നികുതി തർക്കങ്ങളും വില വർദ്ധനവിന് കാരണമാണ്. ഇന്ത്യയിൽ വില വർദ്ധനവിന് മറ്റൊരു കാരണം കഴിഞ്ഞ ബഡ്‌ജറ്റിൽ കസ്റ്റംസ് തീരുവ വർദ്ധിപ്പിച്ചിരുന്നു. ഇതാണ് പവന് 26,000ത്തിലേക്ക് അടുക്കാൻ കാരണമായത്. സ്വർണമുൾപ്പെടെയുള്ള ലോഹങ്ങളുടെ കസ്റ്റംസ് തീരുവ 10 ശതമാനമായിരുന്നു.

ബഡ്‌ജറ്റ് ദിനത്തിൽ തന്നെ വില വർദ്ധന പ്രകടമായിരുന്നു. വിദേശത്ത് നിന്ന് കൊണ്ടുവരുന്ന സ്വർണത്തിനും 12.5 ശതമാനം നികുതി ചുമത്തണമെന്നാണ് ബഡ്‌ജറ്റിലെ നിർദേശം. വരും ദിവസങ്ങളിലും വില വർദ്ധിക്കാനാണ് സാദ്ധ്യത. രൂപയിലെ മൂല്യ വ്യതിയാനം, ഓഹരി വിപണികളിലെ അസ്ഥിരത എന്നിവയും സ്വർണവില ഉയരാൻ ഇടയാക്കുന്ന കാരണങ്ങളാണ്.

ഈ മാസത്തിന്റെ തുടക്കം മുതൽ പവന് 21,880 രൂപയായിരുന്നു സ്വർണ വില. എന്നാൽ, രണ്ട് തവണ മാത്രം ചെറിയ വിലക്കുറവുണ്ടായെങ്കിലും തൊട്ടടുത്ത ദിവസം വില പഴയ നിലയിലേയ്ക്ക് തന്നെ എത്തി. അതിന് ശേഷം ഇന്നാണ് വിലയിൽ നേരിയ മാറ്റം രേഖപ്പെട്ടത്. ഈ മാസത്തെ ഏറ്റവും ഉയര്‍ന്ന നിരക്കാണിത്. പവന് 20,800 രൂപയും ഗ്രാമിന് 2,600 രൂപയുമായിരുന്നു കഴിഞ്ഞ മാസത്തെ ഏറ്റവും കുറഞ്ഞ വില. കൂടിയ നിരക്ക് 21,920 രൂപയും.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: FINANCE, GOLD RATE, INCREASED, SECOND TIME TODAY
KERALA KAUMUDI EPAPER
TRENDING IN LIFESTYLE
VIDEOS
PHOTO GALLERY
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.