SignIn
Kerala Kaumudi Online
Tuesday, 16 July 2019 9.52 PM IST

ഇന്ത്യ ഫൈനലിൽ കളിച്ചേക്കും: കാരണം ആറ് ന്യൂസിലാൻഡ് കളിക്കാർ കൂറുമാറിയതെന്ന് സോഷ്യൽ മീഡിയ

cricket

ലോകകപ്പിൽ ന്യൂസിലാൻഡിനെതിരെ അവസാന നിമിഷം വരെ പോരാടിയ ഇന്ത്യൻ ടീം പരാജയപ്പെട്ടത് ഓരോ ക്രിക്കറ്റ് ആരാധകന്റെയും നെഞ്ചിൽ കെടുത്താൻ കഴിയാത്ത തീ കോരിയിട്ടുകൊണ്ടാണ്. ആദ്യ ഓവറുകളിൽ ടീമിന്റെ നെടുന്തൂണുകളായ രോഹിത് ശർമ, വിരാട് കൊഹ്‌ലി, കെ.എൽ.രാഹുൽ എന്നിവർ പുറത്തായതോടെ കടുത്ത പ്രതിസന്ധിയിലായെങ്കിലും അവസാന ഓവറുകളിൽ എം.എസ്.ധോണിയും രവീന്ദ്ര ജഡേജയും ഇന്ത്യയെ വിജയതീരമെത്തിക്കുമെന്ന് തോന്നിച്ചിരുന്നു. എന്നാൽ അപ്രതീക്ഷിതമായി ഇരുവരും മടങ്ങിയതോടെ ഇന്ത്യൻ പ്രതീക്ഷകൾ അസ്‌തമിക്കുകയായിരുന്നു.

അതേസമയം, തോൽവിയുടെ വിഷമത്തിലും ട്രോളുകൾക്ക് യാതൊരു കുറവുമില്ല. കർണാടകയിൽ എം.എൽ.എമാർ രാജിവച്ച് എതിർ ചേരിയിൽ ചേർന്നത് പോലെ ആറ് ന്യൂസിലാൻഡ് കളിക്കാർ കൂറുമാറിയെന്നും ഇതിന് പിന്നിൽ ബി.ജെ.പി അദ്ധ്യക്ഷൻ അമിത് ഷായുടെ ഇടപെടലാണെന്നുമാണ് ഇപ്പോൾ സോഷ്യൽ മീഡിയയിൽ വൈറലാകുന്ന സന്ദേശം പറയുന്നത്. താരങ്ങളെ തിരിച്ചുകൊണ്ടുവരാൻ ന്യൂസിലാൻഡ് ടീം നേതൃത്വം അനുനയ ചർച്ചകൾ ആരംഭിച്ചതായും സന്ദേശത്തിൽ പറയുന്നു. കർണാടകയിലെ രാഷ്ട്രീയ പ്രതിസന്ധി തുടരുന്ന സാഹചര്യത്തിൽ ഈ സന്ദേശം വൈറലാവാൻ വലിയ സമയമൊന്നും വേണ്ടി വന്നില്ല. മിക്കവരും വാട്സ്ആപ്പിലും ഫേസ്ബുക്കിലും തങ്ങളുടെ സ്‌റ്റാറ്റസ് അപ്‌ഡേറ്റുകളിൽ ഈ സന്ദേശം ഉൾപ്പെടുത്തുന്നുണ്ട്. എന്നാൽ ആരാണ് ഈ സന്ദേശത്തിന് പിന്നിലെന്ന് വ്യക്തമല്ല.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: WORLD CUP 2019, INDIAN CRICKET TEAM, INDIA VS NEW ZEALAND, WORLD CUP, WORLD CUP 2019, WORLD CUP CRICKET 2019, WORLD CUP CRICKET SEMI, SOCIAL MEDIA MESSAGE
KERALA KAUMUDI EPAPER
TRENDING IN WORLD CUP 2019
VIDEOS
PHOTO GALLERY
TRENDING IN WORLD CUP 2019
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.