SignIn
Kerala Kaumudi Online
Tuesday, 16 July 2019 10.05 PM IST

സഭാ തർക്കത്തിൽ അയവ്, മൃതദേഹം സംസ്കരിച്ചു

death

കായംകുളം: ഓർത്തഡോക്സ്- യാക്കോബായ സഭാ തർക്കത്തെ തുടർന്ന് സംസ്കരിക്കാനാവാതെ കഴിഞ്ഞ എട്ട് ദിവസമായി മോർച്ചറിയിൽ സൂക്ഷിച്ചിരുന്ന യാക്കോബായ സഭ വിശ്വാസി മഞ്ഞാടിത്തറ തോപ്പിൽ മറിയാമ്മ ഫിലിപ്പിന്റെ (84) മൃതദേഹം വൻ പൊലീസ് സംഘത്തിന്റെ സാന്നിദ്ധ്യത്തിൽ യാക്കോബായ ഇടവകയുടെ കീഴിലുള്ള സ്ഥലത്ത് സംസ്കരിച്ചു.

യാക്കോബായ വിഭാഗത്തിന്റേതാണ് കായംകുളം കാദിശ പള്ളി. ഇവിടെ ഇരു സഭകൾക്കും ഒരു സെമിത്തേരിയാണുള്ളത്. ഇത് ഓർത്തഡോക്സ് വിഭാഗത്തിന്റെ കൈവശവും. യാക്കോബായ വിഭാഗത്തിലെ അംഗം മരിച്ചാൽ പ്രത്യേക കോടതി ഉത്തരവിലൂടെയായിരുന്നു ഈ സെമിത്തേരിയിൽ സംസ്കരിച്ചിരുന്നത്. എന്നാൽ മറിയാമ്മ ഫിലിപ്പിന്റെ സംസ്കാരം നടത്താൻ ബന്ധുക്കൾ കോടതിയെ സമീപിച്ചെങ്കിലും അനുകൂല ഉത്തരവ് ലഭിച്ചില്ല. തുടർന്ന് സംസ്കാരം വൈകി. വിഷയത്തിൽ കേന്ദ്ര മനുഷ്യാവകാശ കമ്മിഷൻ കഴിഞ്ഞ ദിവസം ഇടപെട്ടിരുന്നു.

മൃതദേഹം സംസ്കരിക്കാൻ ചീഫ് സെക്രട്ടറിക്ക് കമ്മിഷൻ ഉത്തരവു നൽകി. തുടർന്ന് കളക്ടർ അദീല അബ്ദുള്ള, ജില്ലാ പൊലീസ് മേധാവി കെ.എം.ടോമി, ഡിവൈ.എസ്.പി ആർ.ബിനു, ആർ.ഡി.ഒ, യാക്കോബായ സുറിയാനി സഭ നിരണം ഭദ്രാസനാധിപൻ തുടങ്ങിയവർ ബുധനാഴ്ച രാത്രിയിൽ നടത്തിയ ചർച്ചയെ തുടർന്നാണ് ഇന്നലെ സംസ്കാരം നടത്തിയത്. സെമിത്തേരിക്ക് മുന്നിൽ യാക്കോബായ ഇടവകയുടെ സ്ഥലത്ത് സംസ്കാരം നടത്താനായിരുന്നു തീരുമാനം. ഇതനുസരിച്ച് ഇന്നലെ രാവിലെ ഇവിടെ കല്ലറ നിർമ്മാണം ആരംഭിച്ചു. എതിർപ്പുണ്ടായാൽ നേരിടാൻ വൻ പോലീസ് സന്നാഹം സ്ഥലത്ത് നിലയുറപ്പിച്ചു. കറ്റാനത്തെ സ്വകാര്യ അശുപത്രി മോർച്ചറിയിൽ സൂക്ഷിച്ചിരുന്ന മൃതദേഹം ഇന്നലെ രാവിലെ വീട്ടിലെത്തിച്ചു. ശുശ്രൂഷകൾക്കു ശേഷം വിലാപയാത്രയായി പള്ളിയിൽ എത്തിച്ചു കല്ലറയിൽ അടക്കുകയായിരുന്നു.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: DEATH
KERALA KAUMUDI EPAPER
TRENDING IN KERALA
VIDEOS
PHOTO GALLERY
TRENDING IN KERALA
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.