SignIn
Kerala Kaumudi Online
Monday, 22 July 2019 1.08 PM IST

ആശുപത്രിയിൽ നിന്ന് യുവാവിന്റെ വിരൽ കാണാതായി, ജീവനക്കാരുടെ ലോകകപ്പ് ഭ്രാന്താണ് കാരണമെന്ന് ഭാര്യ

finger-missing

കൊൽക്കത്ത: ശസ്ത്രക്രിയ നടത്താനേൽപ്പിച്ച മുറിഞ്ഞുപോയ വിരലിന്റെ ഭാഗം ആശുപത്രിയിൽ നിന്ന് കാണാതായി. ശസ്ത്രക്രിയയിലൂടെ തുന്നിച്ചേർക്കാനിരുന്ന കെമിക്കൽ എഞ്ചിനീയറായ നീലോത്പൽ ചക്രബർത്തിയുടെ കൈവിരലാണ് ആശുപത്രിയിൽ നിന്നും നഷ്ടപ്പെട്ടത്. ആശുപത്രിയിലെ ജീവനക്കാർ ലോകകപ്പിലെ ഇന്ത്യ- ന്യൂസിലൻഡ് സെമി കാണുന്ന തിരക്കിലായിരുന്നുവെന്നും തുന്നിച്ചേർക്കാനെത്തിച്ച വിരൽ ജീവനക്കാർ സൂക്ഷിച്ചില്ലെന്നും ആരോപിച്ച് നീലോത്പലിന്റെ ഭാര്യ പൊലീസിൽ പരാതി നൽകി.


ഇക്കഴിഞ്ഞ ബുധനാഴ്ചയുണ്ടായ അപകടത്തെ തുടർന്നാണ് നിലോത്പൽ ചക്രബർത്തിയുടെ ഇടതുമോതിര വിരലിന്റെ മുകൾ ഭാഗം വേർപെട്ടത്. അപകടം നടന്ന ഉടൻ തന്നെ ചക്രബർത്തിയെ ദക്ഷിണ കൊൽക്കത്തയിലെ സ്വകാര്യ ആശുപത്രിയിൽ പ്രവേശിപ്പിച്ചു. പിന്നീട് സഹപ്രവർത്തകരിൽ ഒരാളാണ് മുറിഞ്ഞുപോയ വിരലിന്റെ ഭാഗവുമായി ആശുപത്രിയിലെത്തിയത്. ചക്രബർത്തിയുടെ ഭാര്യ മുറിഞ്ഞ വിരലിന്റെ ഭാഗം എമർജൻസി ഡസ്കിൽ ഏൽപ്പിക്കുകയായിരുന്നു. വ്യാഴാഴ്ച ശസ്ത്രക്രിയ നടത്താനുള്ളതാണെന്നു പറഞ്ഞാണ് വിരൽ ജീവനക്കാരെ ഏൽപിച്ചത്. താൻ വിരലുമായി ചെന്നപ്പോൾ ജീവനക്കാർ എല്ലാവരും ടി.വിയിൽ കളികാണുന്ന തിരക്കിലായിരുന്നുവെന്ന് ചക്രബർത്തിയുടെ ഭാര്യ പറയുന്നു.

വ്യാഴാഴ്ച രാവിലെ ചക്രബർത്തിയെ ശസ്ത്രക്രിയയുടെ നടപടിക്രമങ്ങൾ തുടങ്ങിയപ്പോഴാണ് വിരൽ നഷ്ടമായ വിവരം അധികൃതർ അറിയുന്നത്. എന്നാൽ, വിരലിന്റെ മുകൾ ഭാഗം തുന്നിച്ചേർക്കാൻ കഴിയുമായിരുന്നില്ലെന്ന വിശദീകരണമാണ് ആശുപത്രി അധികൃതർ നൽകുന്നത്. അന്നേ ദിവസത്തെ സി.സി.ടി.വി ദൃശ്യങ്ങൾ ഹാജരാക്കാൻ പൊലീസ് ആശുപത്രി അധികൃതരോട് ആവശ്യപ്പെട്ടിട്ടുണ്ട്. സംഭവത്തിൽ അന്വേഷണം നടക്കുകയാണ്.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: NEWS 360, NATIONAL, NATIONAL NEWS, MANS SEVERED, FINGER GOES, MISSING FROM HOSPITAL, WIFE SAYS, STAFF WHILE, WATCHING WORLD CUP
KERALA KAUMUDI EPAPER
TRENDING IN NEWS 360
VIDEOS
PHOTO GALLERY
TRENDING IN NEWS 360
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.