ഹനുമാൻ ചാലിസ ചൊല്ലി റെക്കോർഡിട്ട് അഞ്ച് വയസുകാരൻ. പഞ്ചാബ് സ്വദേശിയായ ഗീതാൻഷ് ഗോയൽ ആണ് ഇന്ത്യാ ബുക്ക് ഒഫ് റെക്കോർഡ്സിൽ നിന്ന് പ്രശംസാപത്രം കൈപ്പറ്റിയത്. വെറും ഒരു മിനിട്ട് അൻപത്തിനാല് സെക്കൻഡിലാണ് കൊച്ചുമിടുക്കൻ ഹനുമാൻ ചാലിസ പാരായണം ചെയ്തത്.

#WATCH | Punjab | A 5-year-old child from Bathinda, Geetansh Goyal recites Hanuman Chalisa in record time.

For the feat, he has received an appreciation certificate from the 'India Book of Records'. pic.twitter.com/KiMnc1UlXM

— ANI (@ANI) August 29, 2023

കുട്ടിയുടെ കഴിവിനെക്കുറിച്ച് കേട്ടറിഞ്ഞ രാഷ്‌ട്രപതി ദ്രൗപതി മുർമു അവനെ രാഷ്‌ട്രപതി ഭവനിലേക്ക് ക്ഷണിച്ചിട്ടുണ്ട്. കഴിഞ്ഞ ദിവസം നൽകിയ ഒരു അഭിമുഖത്തിലാണ് രാഷ്‌ട്രപതി ഭവനിലേക്ക് ക്ഷണം കിട്ടിയ വിവരം കുട്ടി വെളിപ്പെടുത്തിയത്.

കഴിഞ്ഞ ദിവസം രാഷ്‌ട്രപതി ഭവനിൽ നിന്ന് കോൾ വന്നിരുന്നു. അവിടേക്ക് ക്ഷണിച്ചുകൊണ്ടുള്ള ഇമെയിൽ അയച്ചിട്ടുണ്ടെന്നും നേരിൽ കാണാൻ രാഷ്‌ട്രപതി ആഗ്രഹം പ്രകടിപ്പിച്ചിട്ടുണ്ടെന്നും അധികൃതർ അറിയിച്ചെന്നാണ് ഗീതാൻഷ് പറഞ്ഞത്.