SignIn
Kerala Kaumudi Online
Monday, 22 July 2019 1.22 PM IST

ബംഗാളിലെ സി.പി.എം നേതാക്കളെയും ബി.ജെ.പി ചാക്കിലാക്കിയില്ലേ?: പിണറായിയെ പരിഹസിച്ച് വി.ഡി സതീശൻ

vd-satheeshan

തിരുവനന്തപുരം: കർണാടകയിലെ കോൺഗ്രസ് നേതാക്കളെ ബി.ജെ.പി റാഞ്ചിയതിനെ പരിഹസിച്ച മുഖ്യമന്ത്രി പിണറായി വിജയന് മറുപടി നൽകി കോൺഗ്രസ് എം.എൽ.എ വി.ഡി സതീശൻ. ബംഗാളിലെ സി.പി.എം നേതാക്കളെ ബി.ജെ.പി 'ചാക്കിലാക്കിയത്' ചൂണ്ടിക്കാണിച്ച സതീശൻ, സ്വന്തം കണ്ണിലെ തടിയെടുത്ത് കളഞ്ഞ ശേഷം വേണം മറ്റുള്ളവരുടെ കണ്ണിലെ കരടിനെ കുറിച്ച് പിണറായി വിജയൻ അന്വേഷിക്കേണ്ടതെന്നും വിമർശിച്ചു.

സി.പി.എം നേതാക്കളെ ബി.ജെ.പി കൊണ്ട് പോയതിനെ കുറിച്ച് മുഖ്യമന്ത്രിക്ക് അഭിപ്രായമില്ലേയെന്നും, ബി.ജെ.പിയുടെ കുതിര കച്ചവടത്തെ എതിർക്കുന്നതിന് പകരം കോൺഗ്രസിനെ പരിഹസിക്കുകയല്ല പിണറായി വിജയൻ ചെയ്യേണ്ടതെന്നും സതീശൻ പറഞ്ഞു. പ്ലാവില കാണിച്ചാൽ അതിന് പിന്നാലെ പോകുന്ന ആടുകളെ പോലെയാണ് കോൺഗ്രസ് നേതാക്കളെന്നായിരുന്നു പിണറായിയുടെ പരിഹാസം.

കോൺഗ്രസിനെ വിശ്വസിക്കാൻ പറ്റില്ല. ബി.ജെ.പിയിലേക്ക് ഏതൊക്കെ കോൺഗ്രസ് നേതാക്കൾ പോകുമെന്ന് പറയാൻ പറ്റാത്ത അവസ്ഥയാണ് ഇപ്പോഴുള്ളത്. അവർ ഇന്ന് ഏറ്റവും പരിഹാസ്യ യോഗ്യമായ നിലയിലാണ് ഉള്ളത്. ബി.ജെ.പിക്ക് അണികളെ സംഭാവന ചെയ്യുകയാണ് കോൺഗ്രസ് ഇപ്പോൾ. ബി.ജെ.പി ഒഴുക്കുന്ന പണത്തിന് പിന്നാലെ പായുകയാണ് കോൺഗ്രസ്. പിണറായി വിജയൻ തിരുവനന്തപുരത്ത് പറഞ്ഞിരുന്നു. പ്രതിസന്ധികൾ നിലനിൽക്കുമ്പോൾ അധ്യക്ഷ സ്ഥാനം ഉപേക്ഷിച്ച രാഹുൽ ഗാന്ധിയേയും പിണറായി കണക്കിന് വിമർശിച്ചിരുന്നു.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: VD SATHEESAN, PINARAYI VIJAYAN, BJP, KERALA, HORSE TRADING, KARNATAKA
KERALA KAUMUDI EPAPER
TRENDING IN KERALA
VIDEOS
PHOTO GALLERY
TRENDING IN KERALA
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.