ഭോപ്പാൽ: പിറന്നാൾ ദിവസങ്ങളിൽ പൂമാലയണിഞ്ഞ് ആഘോഷങ്ങൾ നടത്തുന്നത് മദ്ധ്യപ്രദേശിൽ സർവ്വസാധാരണമാണ്.എന്നാൽ ഒരു നേതാവ് തന്റെ പിറന്നാൾ ആഘോഷമാക്കിയത് ജീവനുളള പാമ്പിനെ കഴുത്തിൽ ചു​റ്റിയാണ്. ഭോപ്പാലിലെ ഷിയോപുരിയിലെ കോൺഗ്രസ് എംഎൽഎ ബാബു ജൻഡേലാണ് പിറന്നാൾ വ്യത്യസ്ത രീതിയിൽ ആഘോഷിച്ചത്.കഴിഞ്ഞ ദിവസമാണ് സംഭവം നടന്നത്.

ജൻഡേൽ ജീവനുളള പാമ്പിനെ കഴുത്തിൽ ചു​റ്റിയിരിക്കുന്ന വീഡിയോ സോഷ്യൽ മീഡിയയിൽ വൈറലായിരുന്നു.പിറന്നാൾ താൻ ലളിതമായി ആഘോഷിച്ചുവെന്നും ജീവജാലങ്ങൾ സുഹൃത്തുക്കളെ പോലെയാണെന്നും ജൻഡേൽ വ്യക്തമാക്കി. വിചിത്രമാർന്ന കാര്യങ്ങൾ ചെയ്ത് ജെൻഡേൽ മുൻപും സോഷ്യൽ മീഡിയയിൽ തരംഗമായിട്ടുണ്ട്.വീഡിയോക്ക് നിരവധി പ്രതികരണങ്ങൾ ലഭിക്കുന്നുണ്ട്.ചിലർ ജൻഡേലയെ ശിവഭക്തനെന്നും പാമ്പാട്ടിയെന്നും വിശേഷിപ്പിച്ചു.