തിരുവനന്തപുരം: സംവിധായകൻ രഞ്ജിത്ത് മാടമ്പിയാണെന്നും, വിവരമില്ലായ്‌മ അലങ്കാരമായി കൊണ്ടു നടക്കരുതെന്നും സി.പി.ഐ നേതാവ് സി. ദിവാകരൻ പറഞ്ഞു. ചലച്ചിത്ര അവാർഡ് നിർണയത്തിൽ അന്വേഷണം വേണം. നവോത്ഥാന നായകൻ ആറാട്ടുപുഴ വേലായുധപ്പണിക്കരെ അപമാനിക്കുന്ന പരാമർശം നടത്തിയ രഞ്ജിത്ത് തെറ്റുതിരുത്തി ചരിത്രം പഠിക്കണം.

രഞ്ജിത്ത് ഇടതുപക്ഷ രാഷ്ട്രീയത്തിന് കളങ്കമാണ്. അദ്ദേഹത്തെ സ്ഥാനത്തു നിന്ന് മാറ്റണം. മലയാള സിനിമയിൽ സവർണ മാടമ്പി ഫ്യൂഡലിസ്റ്റ് സിനിമകൾ മാത്രം എടുത്തു പരിചയമുള്ള വ്യക്തിയാണ് രഞ്ജിത്ത്. രഞ്ജിത്തിന്റെ ഇടപെടൽ ചലച്ചിത്ര അവാർഡ് നിർണയത്തിൽ സ്വാധീനിക്കപ്പെട്ടിട്ടുണ്ട്. സർക്കാർ ഇക്കാര്യത്തിൽ അഭിപ്രായം പറയണമെന്നും സി. ദിവാകരൻ ആവശ്യപ്പെട്ടു.