ശ്രീനഗർ: ജമ്മു കാശ്‌മീരിലെ അനന്തനാഗിൽ ഭീകരരുമായി ഏറ്റുമുട്ടി വീരമൃത്യു വരിച്ച കേണൽ മൻപ്രീത് സിംഗ്, മേജർ ആശിഷ് ധൊൻചക് എന്നിവരുടെ സംസ്കാര ചടങ്ങുകളിൽ വികാരനിർഭര രംഗങ്ങൾ. പഞ്ചാബിലെ മൊഹാലി സ്വദേശിയായ മൻപ്രീതിന്റെ ഭൗതികദേഹത്തിൽ അന്ത്യാഞ്ജലി അർപ്പിച്ച ഏഴു വയസുകാരൻ മകൻ കബീർ ഏവരെയും കണ്ണീരണിയിച്ചു. സൈനിക യൂണിഫോമിലെത്തി 'ജയ് ഹിന്ദ് പപ്പ" എന്നു വിളിച്ച് കബീർ സല്യൂട്ട് നൽകി. രണ്ടു വയസുള്ള മകൾ ബന്നിയും അടുത്തുണ്ടായിരുന്നു. ജഗമീത് കൗറാണ് ഭാര്യ. സൈനിക ബഹുമതികളോടെയുള്ള ചടങ്ങിന് വൻ ജനാവലിയെത്തി.

ഹരിയാന പാനിപത്തിൽ മേജർ ആശിഷിന് അന്ത്യാഞ്ജലി അർപ്പിക്കാൻ ഗ്രാമം ഒന്നടങ്കമെത്തി. 'ഭാരത് മാതാ കീ ജയ്" വിളികളുമായി വിലാപയാത്രയായാണ് ഭൗതികദേഹം എത്തിച്ചത്. ഭാര്യ: ജ്യോതി, മകൾ: അഞ്ചു വയസുകാരി വാമിക. കാശ്മീരിലെ ബുദ്ഗാം സ്വദേശിയായ ഹുമയൂൺ ഭട്ടിന്റെ സംസ്കാരം ബുധനാഴ്ച നടന്നിരുന്നു.

 ഒരു സൈനികന് കൂടി വീരമൃത്യു

ബു​ധ​നാ​ഴ്ച​ ​തു​ട​ങ്ങി​യ​ ​ഏ​റ്റു​മു​ട്ട​ൽ​ ​തു​ട​രു​ന്ന​തി​നി​ടെ​ ​ഇ​ന്ന​ലെ​ ​ഒ​രു​ ​സൈ​നി​ക​ൻ​ ​കൂ​ടി​ ​വീ​ര​മൃ​ത്യു​ ​വ​രി​ച്ചു.​ ​ര​ണ്ട് ​പേ​ർ​ക്ക് ​പ​രി​ക്കേ​റ്റു.​ ​വ്യാ​ഴാ​ഴ്ച​ ​കാ​ണാ​താ​യ​ ​സൈ​നി​ക​നാ​ണ് ​വീ​ര​മൃ​ത്യു​ ​വ​രി​ച്ച​ത്.​ 50​ ​മ​ണി​ക്കൂ​ർ​ ​പി​ന്നി​ട്ട​ ​ഏ​റ്റു​മു​ട്ട​ലി​ൽ​ ​വീ​ര​മൃ​ത്യു​ ​വ​രി​ച്ച​ ​സൈ​നി​ക​ർ​ ​നാ​ലാ​യി. കൊ​കെ​ർ​നാ​ഗ് ​പ്ര​ദേ​ശ​ത്തെ​ ​വ​ന​ത്തി​ലെ​ ​ഒ​ളി​ത്താ​വ​ള​ത്തി​ൽ​ ​നി​ന്ന് ​ഭീ​ക​ര​രെ​ ​തു​ര​ത്താ​ൻ​ ​ശ്ര​മം​ ​തു​ട​രു​ക​യാ​ണ്.​ ​അ​തി​നി​ടെ,​ ​വ​ട​ക്ക​ൻ​ ​കാ​ശ്മീ​രി​ലെ​ ​ബാ​രാ​മു​ള്ള​യി​ൽ​ ​ല​ഷ്ക​റെ​ ​ത​യ്ബ​ ​ഭീ​ക​ര​രാ​യ​ ​സ​യി​ദ് ​ഹ​സ​ൻ​ ​മ​ല്ല,​ ​മു​ഹ​മ്മ​ദ് ​ആ​രി​ഫ് ​ച​ന്ന​ ​എ​ന്നി​വ​രെ​ ​പൊ​ലീ​സ് ​അ​റ​സ്റ്റ് ​ചെ​യ്‌​തു.