SignIn
Kerala Kaumudi Online
Thursday, 22 August 2019 7.11 PM IST

ആദിവാസി കുടുംബങ്ങൾക്ക് വീട് നൽകാമെന്ന വാഗ്ദാനം പാലിച്ചില്ല, നടി മഞ്ജു വാര്യർ നാളെ ഹാജരാകണം

manju-warrier

വയനാട്: ആദിവാസി കുടുംബങ്ങൾക്ക് വീട് നിർമ്മിച്ച് നൽകാമെന്ന വാഗ്ദാനം പാലിച്ചില്ലെന്ന പരാതിയിൽ നേരിട്ട് ഹാജരാകാൻ ചലച്ചിത്രതാരം മഞ്ജു വാര്യർക്ക് വയനാട് ലീഗൽ സർവീസ് അതോറിറ്റി നോട്ടീസ് നൽകി. ലീഗൽ സർവീസ് അതോറിറ്റി ഓഫീസിൽ നാളെ നടക്കുന്ന സിറ്റിംഗിൽ ഹാജരാകാനാണ് നോട്ടീസിൽ ആവശ്യപ്പെട്ടിരിക്കുന്നത്. പനമരം പഞ്ചായത്തിലെ പരക്കുനി കോളനിയിലെ പണിയ വിഭാഗത്തിൽപ്പെട്ട 57കുടുംബങ്ങൾക്ക് വീട് നിർമ്മിച്ച് നൽകാമെന്ന് 2017ൽ മഞ്ജുവാര്യർ ഫൗണ്ടേഷൻ വാഗ്ദാനം നൽകിയിരുന്നു.

ഈ വാഗ്ദാനം പാലിച്ചില്ലെന്നാണ് കോളനി നിവാസികളുടെ പരാതി. കഴിഞ്ഞ വർഷത്തെ പ്രളയത്തിൽ കനത്ത നാശനഷ്ടം കോളനിയിൽ ഉണ്ടായി. അതേസമയം മഞ്ജുവാര്യർ ഫൗണ്ടേഷൻ വാഗ്ദാനം നൽകിയതിനാൽ തങ്ങളെ പഞ്ചായത്തോ സർക്കാരോ സഹായിച്ചില്ലെന്നും കോളനി നിവാസികൾ പറയുന്നു.

ഒന്നേമുക്കാൽ കോടി രൂപ ചെലവഴിച്ച് വീടുകൾ നിർമ്മിച്ച് നൽകാൻ സാധിക്കില്ലെന്ന് സർക്കാരിനെ അറിയിച്ചിട്ടുണ്ടെന്ന് മുമ്പ് മഞ്ജു വാര്യർ ഫൗണ്ടേഷൻ പ്രതികരിച്ചിരുന്നു. കൂടാതെ താൽക്കാലികമായി ചോർച്ച ഒഴിവാക്കാൻ 40 വീടുകളുടെ മുകളിൽ പ്ലാസ്റ്റിക് ഷീറ്റുകൾ ഫൗണ്ടേഷന്റെ നേതൃത്വത്തിൽ വിരിച്ചു നൽകിയിരുന്നു.

അതോടൊപ്പം എല്ലാ കുടുംബങ്ങൾക്കുമായി 10 ലക്ഷം രൂപ നൽകുകയോ വീടുകളിൽ അറ്റകുറ്റപ്പണി നടത്തിത്തരികയോ ചെയ്യാമെന്ന് ഫൗണ്ടേഷൻ അധികൃതർ ലീഗൽ സർവീസ് അതോറിറ്റി സിറ്റിംഗിൽ വ്യക്തമാക്കിയിരുന്നു. എന്നാൽ ഇത് കോളനി നിവാസികൾ അംഗീകരിച്ചില്ല. തുടർന്നാണ് മഞ്ജു വാര്യരോട് നേരിട്ട് ഹാജരാകാൻ ലീഗൽ സർവീസ് അതോറിറ്റി ആവശ്യപ്പെട്ടിരിക്കുന്നത്.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: MANJU WARRIER, TRIBES, HOUSE, WAYANAD LEGAL SERVICE ATHORITY, MANJU WARRIER FOUNDATION, WAYANAD, PANAMARAM
KERALA KAUMUDI EPAPER
VIDEOS
PHOTO GALLERY
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.