ജവാനിൽ അഭിനയിച്ചത് പ്രതിഫലം വാങ്ങാതെ

ഷാരൂഖ് ഖാൻ ചിത്രം ജവാനിൽ അതിഥി വേഷത്തിൽ തിളങ്ങുകയാണ് ദീപിക പദുകോൺ.

ജവാനിൽ അഭിനയിച്ചത് പ്രതിഫലം വാങ്ങാതെയാണെന്ന് വെളിപ്പെടുത്തിയിരിക്കുകയാണ് ഇപ്പോൾ താരം.

ജവാന്റെ ഭാഗമാവാൻ ആഗ്രഹിച്ചിരുന്നു.പ്രതിഫലം വാങ്ങാതെയാണ് അഭിനയിച്ചത്. കാരണം ഭർത്താക്കന്മാരുടെ വിജയത്തിന് പിന്നിൽ നിൽക്കുന്ന സ്ത്രീകൾക്ക് ആദര സൂചകമായാണ് ഞാൻ അത് ചെയ്തത്. എന്റെ അമ്മയിൽ ഞാൻ അത് കണ്ടിട്ടുണ്ട്. അത്തരത്തിൽ ഭർത്താക്കന്മാരുടെ കരിയറിനുവേണ്ടി ത്യാഗം സഹിക്കുന്ന ഭാര്യമാർക്കുള്ള എന്റെ ആദരവായിരുന്നു ജവാനും. മാത്രമല്ല ഷാരൂഖ് ഖാന്റെ ഏത് സ്പെഷ്യൽ അപ്പിയറൻസിലും ഞാനവിടെ ഉണ്ടാവും. ദീപികയുടെ വാക്കുകൾ.

2007 ൽ പുറത്തിറങ്ങിയ ഒാം ശാന്തി ഒാം എന്ന ചിത്രത്തിലൂടെയാണ് ഷാരൂഖ് ഖാന്റെ നായികയായി ദീപിക പദുകോൺ വെള്ളിത്തിരയിൽ അരങ്ങേറ്റം കുറിക്കുന്നത്. ആദ്യ ചിത്രത്തിലൂടെയാണ് ഇരുവരുടെയും കെമിസ്ട്രി ആരാധകർ ഏറ്റെടുത്തു. ചെന്നൈ എക്സ്‌പ്രസ്, ഹാപ്പി ന്യൂ ഇയർ എന്നീ ചിത്രങ്ങളിലൂടെ ഇരുവരും എത്തിയപ്പോഴും സൂപ്പർ ഹിറ്റുകൾ. മൂന്നുവർഷത്തെ ഇടവേളയ്ക്കുശേഷം എത്തിയ ,​ ചരിത്ര വിജയം നേടിയ

ഷാരൂഖ് ഖാൻ ചിത്രം പത്താനിലും ദീപിക പദുകോൺ നിറഞ്ഞുനിന്നു.ഷാരൂഖിന്റെ ഭാഗ്യനായിക എന്ന് ആരാധകർ ദീപികയെ വിശേഷിപ്പിക്കുന്നു.ഞങ്ങൾ തമ്മിലുള്ള ബന്ധം ഭാഗ്യം എന്ന ഘടകത്തിനും അതീതമാണെന്ന് ദീപിക.