കൊച്ചി: സംസ്ഥാനത്ത് സ്വർണവിലയിൽ തുടർച്ചയായ മൂന്നാം ദിവസവും വർദ്ധന. ഇന്നലെ ഗ്രാമിന് 15 രൂപ വർദ്ധിച്ച് 5,505 രൂപയും പവന് 120 രൂപ ഉയർന്ന് 44,040 രൂപയുമായി. വെള്ളി,​ ശനി ദിവസങ്ങളിലും ഗ്രാമിന് 20 രൂപയുടെ വർദ്ധനവ് ഉണ്ടായിരുന്നു. മൂന്ന് ദിവസംകൊണ്ട് പവന് 440 രൂപയാണ് കൂടിയത്. ഈ മാസത്തെ ഏറ്റവും ഉയർന്ന വില സെപ്തംബർ അഞ്ചിന് രേഖപ്പെടുത്തിയ 44,240 രൂപയാണ്. 18 കാരറ്റ് സ്വർണം ഗ്രാമിന് 10 രൂപ വർദ്ധിച്ച് 4,558 രൂപയിലെത്തി. ആഗോള വിപണിയിൽ ഇന്ന്

ആഗോള വിപണിയിൽ സ്വർണം ഔൺസിന് 1,926.50 ഡോളർ വരെയെത്തിയിട്ടുണ്ട്. വില ഇന്നും കൂടാൻ സാധ്യതയുണ്ട്. സംസ്ഥാനത്ത് വെള്ളി വിലയിൽ ഇന്നലെ മാറ്റമുണ്ടായില്ല. സാധാരണ വെള്ളിക്ക് ഗ്രാമിന് 78 രൂപയും ഹോൾമാർക്ക്ഡ് വെള്ളിക്ക് 103 രൂപയുമാണ് വില.