തിരുവനന്തപുരം: കേരള സർവകലാശാല ജൂലായിൽ നടത്തിയ എം.എ ഫിലോസഫി സി.എസ്.എസ് പരീക്ഷാഫലം പ്രസിദ്ധീകരിച്ചു.

മേയിൽ നടത്തിയ ജർമൻ ബി1 (ഡ്യൂഷ് ബി1) പരീക്ഷാഫലം പ്രസിദ്ധീകരിച്ചു.

ജൂലായിൽ നടത്തിയ നാലാം സെമസ്​റ്റർ ബി.എം.എസ് ഹോട്ടൽ മാനേജ്‌മെന്റ് പരീക്ഷയുടെ പ്രാക്ടിക്കൽ ഒക്‌ടോബർ 4, 5, 6 തീയതികളിൽ അതത് കേന്ദ്രങ്ങളിൽ നടത്തും.

ഒക്‌ടോബർ 3 ന് ആരംഭിക്കുന്ന നാല്, എട്ട് സെമസ്​റ്റർ ബി.എഫ്.എ (എച്ച്.ഐ) അപ്ലൈഡ് ആർട്ട് ആൻഡ് പെയിന്റിംഗ്, ഒക്‌ടോബർ 4ന് ആരംഭിക്കുന്ന ആറാം സെമസ്​റ്റർ ബി.എഫ്.എ (എച്ച്.ഐ) പരീക്ഷകളുടെ ടൈംടേബിൾ പ്രസിദ്ധീകരിച്ചു.

2022 ജൂണിൽ നടത്തിയ ഒന്നാം സെമസ്​റ്റർ ബി.എഡ്, 2022 ഒക്‌ടോബറിൽ നടത്തിയ രണ്ടാം സെമസ്​റ്റർ ബി.എഡ് പരീക്ഷകളുടെ സൂക്ഷ്മപരിശോധനയ്ക്ക് അപേക്ഷിച്ചവർ ഫോട്ടോ പതിച്ച തിരിച്ചറിയൽ കാർഡും ഹാൾ ടിക്ക​റ്റുമായി 20 മുതൽ 29 വരെയുള്ള പ്രവൃത്തി ദിനങ്ങളിൽ ഇ.ജെ മൂന്ന് സെക്ഷനിൽ ഹാജരാകണം.