ജീത്തു ജോസഫും ബേസിൽ ജോസഫും ആദ്യമായി ഒരുമിക്കുന്ന ചിത്രത്തിന് നുണക്കുഴി എന്ന് പേരിട്ടു. ഡാർക്ക് ഹ്യൂമർ ഗണത്തിൽപ്പെട്ട ചിത്രത്തിൽ ഗ്രേസ് ആന്റണി, സിദ്ദിഖ്, മനോജ് കെ. ജയൻ, ബൈജു സന്തോഷ്, അജുവർഗീസ്, സൈജു കുറുപ്പ്, ബിനുപപ്പു, പ്രമോദ് വെളിയനാ‌‌ട് തുടങ്ങിയവരാണ് മറ്റു താരങ്ങൾ. ജീത്തു ജോസഫ് ചിത്രങ്ങളായ ട്വൽത്ത് മാൻ , കൂമൻ എന്നീ ചിത്രങ്ങൾക്ക് രചന നിർവഹിച്ച കെ.ആർ. കൃഷ്ണകുമാർ ആണ് രചന. സതീഷ് കുറുപ്പ് ഛായാഗ്രഹണം നിർവഹിക്കുന്നു. എഡിറ്റർ വിനായക്. വി.എസ്. സരിഗമയുടെ ബാനറിൽ വിക്രം മെഹർ, സിദ്ധാർത്ഥ് ആനന്ദ് കുമാർ, ജീത്തു ജോസഫിന്റെ വിന്റേജ് ഫിലിംസും ചേർന്നാണ് നിർമ്മാണം.നവംബർ ആദ്യം ചിത്രീകരണം ആരംഭിക്കും. എറണാകുളം ആണ് പ്രധാന ലൊക്കേഷൻ. പ്രൊഡക്ഷൻ കൺട്രോളർ പ്രണവ് മോഹൻ അതേസമയം മോഹൻലാൽ നായകനായി ജീത്തു ജോസഫ് സംവിധാനം ചെയ്യുന്ന നേര് എന്ന ചിത്രത്തിന്റെ ചിത്രീകരണം തിരുവനന്തപുരത്ത് പുരോഗമിക്കുന്നു.