ഭർത്താവ് സന്തോഷ് മേനോനൊപ്പമുള്ള ഏറ്റവും പുതിയ ചിത്രം സമൂഹമാധ്യമത്തിൽ പങ്കുവച്ച് നവ്യ നായർ. ഭർത്താവും അമ്മയും മകനുംഒപ്പമുള്ള ചിത്രമാണ് പങ്കുവച്ചത്. ഇപ്പോൾ എല്ലാവർക്കും സന്തോഷമായി കാണും എന്നാണ് ആരാധകരുടെ കമന്റ്. എന്നും ഇതുപോലെ സന്തോഷമായിരിക്കട്ടെ എന്നും നവ്യ ശക്തമായ സ്ത്രീയാണെന്നും ആരാധകർ കുറിച്ചു. കള്ളപ്പണക്കേസിൽ അറസ്റ്റിലായ ഐ.ആർ. എസ് ഉദ്യോഗസ്ഥൻ സച്ചിൻ സാവന്തിൽനിന്ന് നവ്യ നായർ സമ്മാനങ്ങൾ കൈപ്പറ്റി എന്ന വെളിപ്പെടുത്തൽ ഏറെ വിവാദങ്ങൾക്ക് കാരണമായിരുന്നു. സച്ചിൻ സാവന്തുമായി മുംബയിൽ അയൽക്കാരായിരുന്ന പരിചയം മാത്രമായിരുന്നു എന്നായിരുന്നു നവ്യയുടെ കുടുംബത്തിന്റെ വിശദീകരണം. ഇതുമായി ബന്ധപ്പെട്ട് നവ്യയ്ക്ക് എതിരെ സമൂഹമാധ്യമങ്ങളിൽ രൂക്ഷമായ സൈബർ ആക്രമണവുമുണ്ടാവുകയും ചെയ്തു.നവ്യയും ഭർത്താവും തമ്മിലുള്ള ബന്ധത്തെയും വിവാദങ്ങളിലേക്ക് വലിച്ചിഴച്ചു. എന്നാൽ ഭർത്താവിനൊപ്പമുള്ള ഏറ്റവും പുതിയ ചിത്രം പങ്കുവച്ച് നവ്യ വിമർശനങ്ങളെ എല്ലാം അതിജീവിച്ചെന്നും ആരാധക‌ർ.