നല്ല നീളത്തിൽ മുടി വളർത്താൻ പലരും ആഗ്രഹിക്കുന്നുണ്ടാവാം. ഇതിനായി വില കൂടിയ പല വഴികളും പരീക്ഷിച്ചാലും വിചാരിച്ച ഫലം ലഭിക്കാറില്ല. മുടി കൊഴിച്ചിലും മുടി വളരാത്തതുമാണ് പലരും നേരിടുന്ന പ്രധാന പ്രശ്നം. മുടിയുടെ വളർച്ചയ്ക്കും ആരോഗ്യത്തിനും നല്ലത് പ്രകൃതിദത്ത വഴികളാണ്. വളരെ എളുപ്പത്തിൽ മുടിവളരാൻ സഹായിക്കുന്ന ഒരു ഹെയർ മാസ്ക് നോക്കിയാലോ? വെറും രണ്ട് സാധനങ്ങൾ മാത്രംമതി ഇത് ഉണ്ടാക്കാൻ. ഇത് ആഴ്ചയിൽ മൂന്ന് ദിവസം ഉപയോഗിച്ചാൽ പുതിയ മുടി കിളിർക്കുകയും കൊഴിച്ചിൽ നിൽക്കുകയും ചെയ്യുന്നു.

ആവശ്യമായ സാധനങ്ങൾ

1. കറ്റാർവാഴ

2. വിറ്റാമിൻ ഇ ഗുളിക

തയ്യാറാക്കുന്ന വിധം

ആദ്യം കറ്റാർവാഴയുടെ ജെൽ എടുക്കുക( വീട്ടിൽ വളർത്തുന്ന കറ്റാർവാഴയുടെ ജെൽ ഉപയോഗിക്കാൻ ശ്രദ്ധിക്കണം). ഈ ജെൽ നല്ല പോലെ മിക്സിയിലിട്ട് പേസ്റ്റ് രൂപത്തിലാക്കുക. അത് കഴിഞ്ഞ് ഇതിലേയ്ക്ക് വിറ്റാമിൻ ഇ ഗുളിക കൂടി ചേർത്ത് നല്ലപോലെ യോജിപ്പിക്കുക. ശേഷം നല്ലപോലെ തലയോട്ടിയിലും മുടിയിലും ഈ മാസ്ക് തേയ്ക്കുക. ഇത് മുടിയിൽ 30മിനിട്ട് വച്ച ശേഷം സാധാരണ വെള്ളത്തിൽ കഴുകി കളയാം. ഷാംപൂ ഉപയോഗിക്കരുത്.