കൊൽക്കത്ത: നടനും മുൻ എം പിയുമായ സുരേഷ് ഗോപി സത്യജിത്ത് റായ് ഫിലിം ആൻഡ് ടെലിവിഷൻ ഇൻസ്റ്റിറ്റ്യൂട്ട് അദ്ധ്യക്ഷ പദവി വഹിക്കും. മൂന്ന് വർഷത്തേക്കാണ് നിയമനം. രാജ്യത്തെ പ്രമുഖ ചലച്ചിത്ര പഠന കേന്ദ്രത്തിന്റെ ഗവേണിംഗ് കൗൺസിൽ ചെയർമാൻ ചുമതലയും ഇക്കാലയളവിൽ താരം വഹിക്കും. കേന്ദ്രമന്ത്രി അനുരാഗ് ഠാക്കൂറാണ് സുരേഷ് ഗോപിയുടെ നിയമന വാർത്ത സമൂഹമാദ്ധ്യമത്തിലൂടെ പങ്കുവച്ചത്.

ഇൻസ്റ്റിറ്റ്യൂട്ടിന്റെ അദ്ധ്യക്ഷ പദവി വഹിക്കാനായി തിരഞ്ഞെടുക്കപ്പെട്ടതിൽ മുതിർന്ന നടനെ കേന്ദ്രമന്ത്രി എക്സ് പ്ളാറ്റ്ഫോമിൽ പങ്കുവച്ച പോസ്റ്റിലൂടെ അനുമോദിച്ചു. താരത്തിന്റെ സിനിമാ മേഖലയിലെ വൈഭവം ഇൻസ്റ്റിറ്റ്യൂട്ടിനെ കൂടുതൽ സമ്പന്നമാക്കുമെന്നും പ്രവർത്തനകാലം ഫലവത്തായിരിക്കട്ടെയെന്നും അദ്ദേഹം പോസ്റ്റിൽ കുറിച്ചു.

Many congratulations to veteran film actor @TheSureshGopi ji on being nominated the President of the @srfti_official society & chairman of the governing council of @srfti_official for a period of 3 years.

Your vast experience & cinematic brilliance are surely going to enrich…

— Anurag Thakur (@ianuragthakur) September 21, 2023