കോട്ടയം: ബജാജ് ഫിനാൻസിന്റെ ഈ വർഷത്തെ അമർനാഥ് ദേശീയ പുരസ്കാരം ഓക്സിജൻ ദ ഡിജിറ്റൽ എക്സ്പേർട്ടിന് ലഭിച്ചു. ബജാജ് ഫിനാൻസിന്റെ ഇന്ത്യയിലെ ഡീലർമാരിൽ നിന്നുള്ള ഏറ്റവും മികച്ച ബിസിനസ് ആൻഡ് പ്രമോഷനുള്ളതാണ് പുരസ്കാരം.
ദേശീയതലത്തിൽ ബജാജ് തിരഞ്ഞെടുക്കുന്ന ചുരുക്കപ്പട്ടികയിൽ നിന്നും രാജ്യത്തെ തെരഞ്ഞെടുക്കപ്പെട്ട ഡീലർമാർ അവസാന റൗണ്ടിൽ വോട്ട് ചെയ്താണ് അവാർഡ് ജേതാവിനെ കണ്ടെത്തിയത്.
ഒരു വർഷത്തെ ബിസിനസ് വളർച്ച, ഫിനാൻസ് പ്രമോഷൻ, ഏറ്റവും മികച്ച കസ്റ്റമർ ഓഫറുകൾ എന്നിവ അടിസ്ഥാനമാക്കിയാണ് ബജാജ് ഫിനാൻസ് ചുരുക്കപ്പട്ടിക തയ്യാറാക്കിയത്. ബജാജ് ഫിനാൻസിന്റെ ആഭിമുഖ്യത്തിൽ മുംബയിൽ നടന്ന 'സംവാദ് 2023' ചടങ്ങിൽ ഓക്സിജൻ ഡിജിറ്റൽ ഗ്രൂപ്പ് സി.ഇ.ഒ ഷിജോ കെ. തോമസ് പുരസ്കാരം ഏറ്റുവാങ്ങി.
24 വർഷം കൊണ്ട് 50 ലക്ഷം വിശ്വസ്തരായ ഉപയോക്താക്കളാണ് ഓക്സിജനുള്ളത്. ബജാജ് ഫിനാൻസിന്റെ അപ്രൂവൽ അനുപാതം ഏറ്റവും കൂടുതലുള്ളതും ഓക്സിജൻ ഡിജിറ്റൽ എക്സ്പേർട്ടിനാണ്.