കനത്ത കാടിൻ മുഖമുദ്ര
കനം വച്ച നിശ്ശബ്ദത
അതിനുള്ളിലടരടരുകളായി
മഹാമൗനം ഭേദി യ്ക്കുമൊലികൾ
കാട്ടുമൈനകൾ മഞ്ഞക്കൊക്കാൽ
കലപില കലപില കലപില
കരിയിലപ്പിടകൾ ചാരക്കൊക്കാൽ
ചിലചില ചിലചില ചിലചില
പച്ചിലപ്പാമ്പിണകൾ ചുവന്ന നാവാൽ
ശീൽക്കാരം ശീ ശീ ശീ
പച്ചത്തവള കുറുകിയ കഴുത്താൽ
പേക്രോം പേക്രോം പേക്രോം
നട്ടുച്ചയ്ക്കിരുട്ടെഴും കാട്ടിൽ
ഞാൻ കാതോർത്ത നിശ്ശബ്ദതയ്ക്കിടയിൽ
കാതിൽ വന്നലച്ച ശബ്ദങ്ങൾ
കനം വച്ച മൗനങ്ങളുടെയിടയിലെ
കലർപ്പില്ലാത്ത ശബ്ദങ്ങളുടെ അടരുകൾ
കരളു പിളർക്കുന്ന വേദനയായി
അയ്യോ കേൾക്കുന്നൊരപശബ്ദം
മലമുഴക്കി വേഴാമ്പലിൻ ഭയന്ന
ചിറകടി ശബ്ദത്തെ ഭേദിച്ചു
പച്ചമരത്തിൻ ചോരഗന്ധം
വമിപ്പിയ്ക്കും ക്രൗര്യം നിറഞ്ഞ ശബ്ദം
വെട്ടല്ലേ, കൊത്തല്ലേ
അരുത് കാട്ടുകള്ളാ.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |
![]() |
Lorem ipsum dolor sit amet consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat. |
We respect your privacy. Your information is safe and will never be shared. |