സുഹൃത്തുക്കൾക്കൊപ്പം തായ്ലൻഡിലെ ഫി ഫി ദ്വീപിൽ അവധി ആഘോഷിച്ച് നടി റെബ മോണിക്ക ജോൺ. ഈ ദ്വീപിന്റെ സൗന്ദര്യത്തോട് നീതി പുലർത്താൻ ഒരു ചിത്രത്തിനും കഴിയില്ല. ജീവിതകാലം മുഴുവനും ഓർക്കാനുള്ളത് നീ ഞങ്ങൾക്ക് നൽകി. എന്റെ ഏറ്റവും പ്രിയപ്പെട്ട പെൺകുട്ടികളുമായി ഈ മാന്ത്രികത അനുഭവിച്ചറിയാൻ ഇതിലും മികച്ചതൊന്നും ചോദിക്കാൻ കഴിഞ്ഞില്ല. ചിത്രങ്ങൾക്ക് ഒപ്പം റെബ കുറിച്ചു. യാത്രകളെ ഏറെ പ്രണയിക്കുന്ന താരമാണ് റെബ. നിവിൻ പോളിയുടെ നായികയായി ജേക്കബിന്റ സ്വർഗരാജ്യം എന്ന ചിത്രത്തിലൂടെ സിനിമയിലേക്ക് വന്ന താരമാണ് റെബ. പിന്നീട് പൈപ്പിൻ ചുവട്ടിലെ പ്രണയം, ഫോറൻസിക് തുടങ്ങിയ ചിത്രങ്ങളിലും വേഷമിട്ടു. വിജയ് ചിത്രമായ ബിഗിലിലെ കഥാപാത്രമാണ് പ്രേക്ഷക ശ്രദ്ധ നേടിക്കൊടുത്തത്. തെലുങ്കിലും സജീവമാണ് താരം. മലയാളത്തിൽ രജനീ എന്ന ചിത്രമാണ് റിലീസിന് ഒരുങ്ങുന്നത്.