മലയാളത്തിന്റെ സൂപ്പർതാരം മോഹൻലാലും മുൻ ഇന്ത്യൻ ക്രിക്കറ്റ് ക്യാപ്ടൻ എം.എസ്. ധോണിയും ഒരുമിച്ചുള്ള ചിത്രങ്ങൾ സോഷ്യൽ മീഡിയയിൽ വൈറൽ. ഒരു പെയിന്റ് കമ്പനിയുടെ പരസ്യത്തിനായാണ് ഇരുവരും ഒന്നിക്കുന്നത്. മുംബയിൽ നടന്ന ഷൂട്ടിംഗിനിടെ എടുത്ത ചിത്രങ്ങളാണ് ആരാധകർ ഏറ്റെടുത്തത്.

താടി വളർത്തി ചുവന്ന ടീഷർട്ടും വെള്ള പാന്റ്സും ധരിച്ച് ക്യാപ്ടൻ കൂൾ ധോണി എത്തിയപ്പോൾ പച്ച ഷർട്ടും പച്ചക്കരയുള്ള മുണ്ടും ഉടുത്താണ് തനി മലയാളി ലുക്കിൽ മോഹൻലാൽ തിളങ്ങുന്നത്.

#MSDhoni & #Mohanlal 👥🔥

That's When Thala Of CRICKET Mets Thala Of MollyWood Cinema✨ pic.twitter.com/PR3xni0QjE

— Saloon Kada Shanmugam (@saloon_kada) September 23, 2023

നിരവധി പരസ്യചിത്രങ്ങളിൽ മോഹൻലാലും ധോണിയും സജീവമാണെങ്കിലും ആദ്യമായാണ് ഇരുവരും ഒരുമിച്ചെത്തുന്നത്. ഇരുവരും ഒരുമിച്ചുള്ള സിനിമ എന്നുണ്ടാകും എന്ന കമന്റുകളും ചിത്രത്തിന് താഴെ വന്നിട്ടുണ്ട്.

അതേസമയം മലൈക്കോട്ടെ വാലിബൻ,​ ബറോസ് എന്നിവയാണ് മോഹൻലാലിന്റെ റിലീസിനൊരുങ്ങുന്ന ചിത്രങ്ങൾ. മോഹൻലാൽ ആദ്യമായി സംവിധാനം ചെയ്യുന്ന ചിത്രമായ ബറോസ് ക്രിസ്മസിനും ലിജോ ജോസ് പല്ലിശേരിയുടെ വാലിബൻ 2024 ജനുവരി 25നും തിയേറ്ററിലെത്തും. ജീത്തു ജോസഫ് സംവിധാനം ചെയ്യുന്ന നേര് എന്ന ചിത്രത്തിലാണ് മോഹൻലാൽ ഇപ്പോൾ അഭിനയിക്കുന്നത്. പാൻ ഇന്ത്യൻ ചിത്രം വൃഷഭയാണ് മോഹൻലാലിന്റെ മറ്റൊരു വൻ പ്രോജക്ട്. പൃഥിരാജ് ചിത്രം എമ്പുരാന്റെ പ്രീപ്രൊഡക്ഷൻ ജോലികളും പിുരോഗമിക്കുകയാണ്.