പെരുമ്പാവൂർ: പുതി​യതായി​ നി​ർമി​ച്ച പെരിയാർവാലി കനാൽ ബണ്ടി​ന്റെ പാർശ്വഭിത്തിയുടെ ഉദ്ഘാടനം അഡ്വ.എൽദോസ് കുന്നപ്പിള്ളി എം.എൽ.എ. നിർവഹിച്ചു.
പഞ്ചായത്ത് വൈസ് പ്രസിഡന്റ് ബേബി തോപ്പിലാന്റെ അദ്ധ്യക്ഷതയിൽ നടന്ന യോഗത്തിൽ പഞ്ചായത്ത് സ്ഥിരം സമിതി ചെയർമാൻ പി. വി സുനിൽ, സ്കൂൾ പ്രിൻസിപ്പൽ സിസ്റ്റർ ലേയ , സിസ്റ്റർ സുനന്ദ വാർഡ് വികസന സമിതി കൺവീനർമാരായ ടി.ആർ.ജോർജ് , ജോൺ കാട പറമ്പൻ , ഷാജു പാറയിൽ, ലിസ്മി ജോർജ് സി.ഡി.ജോസ് എന്നിവർ സംസാരിച്ചു.

കൂവപ്പടി പഞ്ചായത്തിലെ മൂന്നാം വാർഡിൽ തോട്ടുവ സെന്റ് ജോസഫ് പബ്ലിക് സ്കൂളിന്റെ മുന്നിലൂടെ പോകുന്ന ബണ്ടി​ന്റെ പാർശ്വഭിത്തി എം.എൽ.എ ഫണ്ടിൽ നിന്നും 10 ലക്ഷം രൂപ വി​നി​യോഗി​ച്ചാണ് നി​ർമി​ച്ചത്.

സ്കൂൾ പി.ടി.എയുടെയും വിദ്യാർത്ഥികളുടെയും ദീർഘനാളത്തെ ആവശ്യമായിരുന്നു ഇത്.