തിരുവനന്തപുരം: വിവിധ മേഖലകളിൽ വ്യക്തിമുദ്ര പതിപ്പിച്ചവരെ അനുമോദിക്കുന്നതിനായി കേരളകൗമുദി ഏർപ്പെടുത്തിയിട്ടുള്ള എക്‌സലൻസ് അവാർഡ് വിതരണം നാളെ. വൈകിട്ട് 4.30ന് മാസ്കോട്ട് ഹോട്ടലിൽ ഗവർണർ ആരിഫ് മുഹമ്മദ് ഖാൻ അവാർഡുകൾ വിതരണം ചെയ്യും. മന്ത്രി ആന്റണി രാജു അദ്ധ്യക്ഷത വഹിക്കും. കേരളകൗമുദി ചീഫ് എഡിറ്റർ ദീപു രവി ആമുഖ പ്രഭാഷണവും വി.കെ.പ്രശാന്ത് എം.എൽ.എ ആശംസപ്രസംഗവും നടത്തും.
യൂണിറ്റ് ചീഫ് എസ്.വിക്രമൻ സ്വാഗതം പറയും. കേരളകൗമുദി എക്‌സലൻസ് അവാർഡിനെക്കുറിച്ചുള്ള വീഡിയോ പ്രദർശനവും നടക്കും. 40 പേരടങ്ങുന്ന പ്രാഥമിക പട്ടികയിൽ നിന്ന് അവാർഡ് നിർണ്ണയ സമിതി തിരഞ്ഞെടുത്ത 13 പേർക്കാണ് അവാർഡ് നൽകുന്നത്.