തിരുവനന്തപുരം : എയർപോർട്ട് അതോറിട്ടി ഒഫ് ഇന്ത്യ 28 കോടിയ്ക്ക് തന്റെ പെയിന്റിംഗ് വാങ്ങിയെന്ന പ്രചാരണങ്ങൾക്കെതിരെ എ.കെ ആന്റണിയുടെ ഭാര്യ എലിസബത്ത് ആന്റണി. 2.50 ലക്ഷം രൂപയ്ക്കാണ് പെയിന്റിംഗുകൾ വിറ്റത്. ഇത് സംബന്ധിച്ച് നേരത്തെ ആക്ഷേപമുയർന്ന ഘട്ടത്തിൽ എയർപോർട്ട് അതോറിട്ടി ഒഫ് ഇന്ത്യയിൽ നിന്ന് വിവരാവകാശ നിയമപ്രകാരം വാങ്ങിയ മറുപടിയിൽ ഇക്കാര്യം വ്യക്തമാക്കിയിട്ടുണ്ടെന്നും എലിസബത്ത് പറഞ്ഞു.

എലിസബത്ത് ആന്റണിയുമായി ബന്ധപ്പെട്ട പുതിയ വിവാദങ്ങളുടെ പശ്ചാത്തലത്തിൽ പഴയ ആരോപണങ്ങൾ വീണ്ടും ചില കോണുകളിൽ നിന്ന് ഉയർന്നതോടെയാണ് അവർ വിശദീകരണവുമായി രംഗത്തെത്തിയത്.