കണ്ണൂർ: പയ്യന്നൂരിലെ നഗരസഭാ ജീവനക്കാരൻ കൈക്കൂലി വാങ്ങുന്നതിനിടെ പിടിയിലായി. നഗരസഭയിലെ ബിൽഡിംഗ് ഇൻസ്‌പെക്ടറായ പറശിനിക്കടവ് സ്വദേശിയായ സി ബിജുവാണ് വിജിലൻസിന്റെ പിടിയിലായത്. 25,000 രൂപ കൈക്കൂലിയായി വാങ്ങുന്നതിനിടെയായിരുന്നു അറസ്​റ്റ് നടന്നത്.

പരാതികാരനെ ഓഫീസിന് മുൻപിൽ കാർ നിർത്തി അകത്തിരുത്തിയാണ് ബിജു പണം വാങ്ങിയത്. പരാതിക്കാരൻ കാറിൽ നിന്നിറങ്ങിയതിന് തൊട്ടുപിന്നാലെ തന്നെ കണ്ണൂർ വിജിലൻസ് ഡിവൈഎസ്പി യായ ബാബു പെരിങ്ങേത്തും സംഘവും ചേർന്ന് ബിജുവിനെ പിടികൂടുകയായിരുന്നു.