ശരീരത്തിന് വിശ്രമം അനിവാര്യമാണ്. നമ്മൾ എത്ര മണിക്കൂർ ഉറങ്ങണം എന്ന കാര്യത്തിൽ പ്രായത്തിനനുസരിച്ച് വ്യത്യാസങ്ങൾ ഉണ്ടാകുന്നു. ശാരീരിക വളർച്ച നടക്കുന്ന പ്രായമായതിനാൽ കുട്ടികൾ ഒരുപാട് സമയം ഉറങ്ങണം. എന്നാൽ മുതിർന്നവർ അതുപോലെ ഉറങ്ങേണ്ട ആവശ്യമില്ല. ഉറക്കവുമായി ബന്ധപ്പെട്ട് ചില കാര്യങ്ങൾ നമ്മൾ അറിഞ്ഞിരിക്കേണ്ടത് ആവശ്യമാണ്. ഇവ എന്തൊക്കെയാണെന്ന് നോക്കാം.

• വിജനമായ സ്ഥലത്ത് കിടന്ന് ഉറങ്ങാൻ പാടില്ല. ഇങ്ങനെ ചെയ്താൽ നിങ്ങളുടെ ശരീരത്തിലേയ്‌ക്ക് നെഗറ്റീവ് ഊർജം വേഗത്തിൽ പ്രവഹിക്കുകയും ശരീരത്തിനും മനസിനും പല തരത്തിലുള്ള ബുദ്ധിമുട്ടുകൾ അനുഭവിക്കേണ്ടതായും വരുന്നു.
• സൂര്യാസ്തമയത്തിന് ശേഷം ഉറങ്ങുകയും ഉദിക്കുന്നതിന് മുമ്പ് എഴുന്നേൽക്കുന്നതും വളരെ നല്ലതാണെന്നാണ് പറയപ്പെടുന്നത്.
• വയറുനിറയെ ഭക്ഷണം കഴിച്ച ശേഷം ഉറങ്ങാൻ പാടുള്ളതല്ല. ഇങ്ങനെ ചെയ്ത് കഴിഞ്ഞാൽ പല തരത്തിലുള്ള രോഗങ്ങൾ വരാൻ സാദ്ധ്യത കൂടുതലാണ്.
• ഉറങ്ങുന്നതിന് മുമ്പ് വായ നന്നായി വൃത്തിയാക്കുക.
• കിടക്കുമ്പോൾ കാലിൽ ഈർപ്പവും അഴുക്കും ഉണ്ടാകാൻ പാടുള്ളതല്ല.
• വടക്കോട്ട് തലവച്ച് ഉറങ്ങാൻ പാടില്ല. ഇങ്ങനെ ചെയ്താൽ നമ്മുടെ ശരീരത്തിൽ ഇരുമ്പിന്റെ അംശം കൂടുതലായി തലയിലേയ്‌ക്ക് വരും. ഇത് മാനസികവും ശാരീരികവുമായുള്ള ബുദ്ധിമുട്ടുകൾ ഉണ്ടാകുന്നതാണ്.
• പഠിക്കുന്ന കുട്ടികൾ പുലർച്ചെ കുളിച്ച ശേഷം ഇരുന്ന് പഠിക്കുന്നത് വളരെ നല്ലതാണ്. ഇങ്ങനെ ചെയ്താൽ അവരുടെ ചിന്താ ശേഷിയും ബുദ്ധിയും വർദ്ധിക്കുന്നതാണ്.