ശ്യാം മംഗലത് കഥയും തിരക്കഥയും സംവിധാനവും നിർവഹിക്കുന്ന 'കല്ലാമൂല' സിനിമയുടെ സോംഗ് ടീസർ മലയാളത്തിന്റെ പ്രിയ താരങ്ങളുടെ ഫേസ്ബുക്ക് പേജിലൂടെ പ്രേക്ഷകരുടെ മുന്നിലേയ്ക്ക് എത്തുന്നു. വനങ്ങൾ നശിപ്പിക്കുന്നതിനെതിരെ ഒറ്റയാൾ പോരാട്ടം നടത്തുന്ന മാണിക്കിന്റെ കഥ പറയുന്ന ത്രില്ലര്‍ സിനിമയാണ് കല്ലാമൂല.

മലയാളം, തമിഴ് ഭാഷകളിലായാണ് ചിത്രം നിര്‍മിക്കുന്നത്. പ്രശാന്ത് മോഹൻ എം പി സംഗീതസംവിധാനം നിർവഹിക്കുന്നു. ശ്യാം മംഗലത്തിന്റെ രചനയിൽ വിനീത് ശ്രീനിവാസനാണ് ചിത്രത്തിലെ ഗാനങ്ങൾ ആലപിച്ചിരിക്കുന്നത്.

എസ്2 മീഡിയ പ്രൊഡക്ഷൻസിന്റെ ബാനറില്‍ എസ്2 മീഡിയയും ഷിബു കൊടയ്ക്കാടനും ചേര്‍ന്നാണ് ചിത്രം നിര്‍മിക്കുന്നത്. സുഭാഷ് സുകുമാരൻ, അർപ്പിത, ചിഞ്ചു പോൾ, അനീഷ് ദേവ്, ഷിജു ആർ കർമ്മ, ജയൻ, ഇന്ത്യൻ വോളിബോൾ താരം കിഷോർ കുമാർ, സിജിൻ സതീഷ് എന്നിവർ കല്ലാമൂലയിൽ പ്രധാന കഥാപാത്രങ്ങളെ അവതരിപ്പിക്കുന്നു.
ഷിജാസ് ഷാജഹാൻ, അമൽ സി എസ് എന്നിവർ ചേർന്നാണ് കല്ലാമൂലയുടെ ഛായാഗ്രഹണം നിര്‍വഹിക്കുന്നത്. എഡിറ്റിംങ്: ശ്യാം മംഗലത്. ഗാനരചന: ശ്യാം മംഗലത്. പ്രൊഡക്ഷന്‍ കണ്‍ട്രോളര്‍: അഖിൽ. കലാസംവിധാനം: ജാൻബാസ് ഇബ്രാഹിം. കോസ്റ്റ്യൂം–വീണ.

വാഗമൺ, മൂന്നാർ, പാലക്കാട്, കൊല്ലംകോട്, തലക്കോട് എന്നിവിടങ്ങളിലായി ചിത്രീകരണം നടന്നുകൊണ്ടിരിക്കുന്ന കല്ലാമൂല ഉടൻ പ്രദർശനത്തിനെത്തുമെന്ന് അണിയറപ്രവർത്തകർ അറിയിക്കുന്നു.