കൊച്ചി : സംസ്ഥാന സഹകരണ അഡിഷണൽ രജിസ്ട്രാറായി സ്ഥാനകയറ്റം ലഭിച്ച് തിരുവനന്തപുരത്തേക്ക് സ്ഥലം മാറി പോകുന്ന എറണാകുളം ജില്ലാ ജോ. രജിസ്ട്രാർ കെ.സജീവ് കർത്തയ്ക്ക് കണയന്നൂർ താലൂക്ക് സർക്കിൾ സഹകരണ യൂണിയന്റെ നേതൃത്വത്തിൽ യാത്ര അയപ്പ് നൽകി.
എറണാകുളം സെൻട്രൽ കോ-ഓപ്പറേറ്റീവ് സൊസൈറ്റി ഹാളിൽ ചേർന്ന സമ്മേളനം സംസ്ഥാന സർക്കിൾ സഹ. യൂണിയൻ അംഗം വി.എം. ശശി ഉദ്ഘാടനം ചെയ്തു. താലൂക്ക് സർക്കിൾ സഹ.യൂണിയൻ ചെയർമാൻ ടി. എസ്.ഷൺമുഖദാസ് അദ്ധ്യക്ഷനായി. പി.എ.സി.എസ് താലൂക്ക് സെക്രട്ടറി അഡ്വ.എ.എൻ.സന്തോഷ്, അജയ് തറയിൽ തുടങ്ങിയവർ സംസാരിച്ചു.