മലയാളികളുടെ പ്രിയ താരദമ്പതികളാണ് ജയറാമും പാർവതിയും. മക്കളായ മാളവികയേയും, കാളിദാസിനെയുമൊക്കെ സ്വന്തം വീട്ടിലെ കുട്ടികളെപ്പോലെയാണ് മലയാളികൾ കാണുന്നത്. തന്റെ പ്രണയത്തെക്കുറിച്ച് കാളിദാസ് അടുത്തിടെ വെളിപ്പെടുത്തിയിരുന്നു. മോഡലും 2021-ലെ ലിവാ മിസ് ദിവാ റണ്ണറപ്പുമായ തരിണി കലിംഗരാണ് കാളിദാസിന്റെ കാമുകി. മാളവിക കഴിഞ്ഞ ദിവസം ഇൻസ്റ്റഗ്രാമിൽ പോസ്റ്റ് ചെയ്ത ഒരു പോസ്റ്റിന് പിന്നാലെയാണ് ആരാധകർ ഇപ്പോൾ.

കാറിൽ രണ്ട് പേർ കൈകൾ ചേർത്തിരിക്കുന്ന ചിത്രമാണ് താരപുത്രി ഇൻസ്റ്റഗ്രാം സ്‌റ്റോറിയിൽ പങ്കുവച്ചിരിക്കുന്നത്. പശ്ചാത്തലമായി ഹിന്ദി പ്രണയ ഗാനവും കേൾക്കാം. ഇതോടെ സഹോദരന് പിന്നാലെ മാളവികയും പ്രണയത്തിലാണെന്ന രീതിയിലുള്ള ചർച്ചകളായിരുന്നു സോഷ്യൽ മീഡിയ നിറയെ. ഇത്തരം അഭ്യൂഹങ്ങൾക്ക് ആക്കം കൂട്ടുന്ന മറ്റൊരു ചിത്രം കൂടി പങ്കുവച്ചിരിക്കുകയാണ് താരപുത്രി ഇപ്പോൾ.

മാതാപിതാക്കൾക്കും, സഹോദരനും, തരുണിക്കുമൊപ്പം വിദേശത്ത് അവധിക്കാലം ആഘോഷിക്കുന്ന ചിത്രമാണ് മാളവിക പങ്കുവച്ചത്. ഇക്കൂട്ടത്തിൽ മുഖം കാണിക്കാത്ത ഒരു യുവാവിനെയും കാണാം. പോസ്റ്റിന് താഴെ കാളിദാസ് ' അളിയാ' എന്ന് കമന്റിട്ടതോടെ മാളവിക പ്രണയത്തിലാണെന്ന് ഉറപ്പിച്ചിരിക്കുകയാണ് ആരാധകർ. 'ചക്കിക്കുട്ടാ' എന്ന് പാർവതിയും പോസ്റ്റിന് കമന്റ് ചെയ്തിട്ടുണ്ട്.

View this post on Instagram

A post shared by Chakki (@malavika.jayaram)

ചിത്രത്തിലുള്ളത് ആരാണെന്നാണ് ഫോളോവേഴ്സിന് അറിയേണ്ടത്. അതിനുള്ള മറുപടിയും ചിലർ കണ്ടെത്തി. വിക്രമിന്റെ മകൻ ധ്രൂവ് വിക്രമാണ് ചിത്രത്തിലുള്ളതെന്നാണ് ചിലർ കമന്റ് ചെയ്തിരിക്കുന്നത്. എന്നാൽ താരകുടുംബം ഇതുവരെ ആളാരാണെന്ന് വെളിപ്പെടുത്തിയിട്ടില്ല.